Deklaratzeari uko egin diote Fiskaltzaren aurrera deitutako lehen alkateek
Kataluniako erreferenduma babestu dutela eta, ez deklaratzeko duten eskubideari heldu diote gaur Fiskaltzaren aurrera deitutako lehen alkateek. Miquel Sala, Jose Antonio Troguet eta Marc Solsona Oliana, El Pont de Suert eta Mollerussa (Lleida) udalerrietako alkateek, hurrenez hurren, ikertu bezala deklaratu behar izan dute goizean, baina deklaratzeari muzin egin diote.
Salak eta Troguetek La Seu d'Urgelleko (Lleida) Fiskaltzaren egoitzan zuten hitzordua, eta dozenaka herritarren babesa jaso dute. "Votarem" eta "independencia" oihuak egin dituzte bertan bildutakoek.
Marc Solsona Mollerussako alkateak diputatua ere badenez (foruduna da, beraz), Kataluniako Fiskaltza Nagusiaren aurrean (Bartzelona) deklaratu behar izan du. Jende asko joan da hari babesa ematera:
Carme Forcadell Kataluniako Parlamentuko presidentea ere Bartzelonan izan da, Solsona babesten. Bertan ohartarazi duenez, "kereilek ez dute alkateen asmoa geldiaraziko", ezta Kataluniako Gobernuarena eta Parlamentuko Mahaiko kideena ere, eta urriaren batean katalanek "berme guztiekin" bozkatuko dutela berretsi du Forcadellek.
Ganberako presidenteak esan duenez, ez daki baietzak edo ezetzak irabaziko duen, baina "edozelan dela ere, Kataluniak irabaziko du".
Zitazio gehiago
Kataluniako 37 alkatek Fiskaltzaren aurrean deklaratu beharko dute datozen egunetan , urriaren 1eko erreferenduma egiteko lokalak uzteagatik. Ikertu bezala galdekatuko dituzte fiskalek. Hemen duzu galdekatuko dituzten alkate guztien zerrenda.
Independentziaren Aldeko Udalerrien Elkarteak (AMI) jakitera eman duenez, gaur hasi eta astelehenera bitartean deklaratuko dute Tarragona, Lleida, Girona eta Bartzelonako Fiskaltzaren egoitzan alkateek; Parlamentuko diputatu forudunen kasuan, ostera, Kataluniako Fiskaltza Nagusiaren aurrean egingo dute.
Bestalde, Adam Tomas Ampostako (Tarragona) alkatea eta Democracia i Llibertateko (DiL) diputatua bere borondatez joango da deklaratzera; izan ere, Gorteetako foruduna da.
Albert Batet eta Neus Lloveras Vallseko (Tarragona) eta Vilanova i la Geltruko (Bartzelona) alkateek, hurrenez hurren, Kataluniako Fiskaltza Nagusiaren aurrean deklaratuko dute bihar, Parlamentuko diputatu direnez forudunak direlako. Halaber, Independentziaren Aldeko Udalerrien Elkarteak urriaren 1eko galdeketa bultzatu zuelako ere ikertzen ari dira Lloveras.
Halaber, Ferran Bel Tortosako (Tarragona) alkate eta diputatua astelehenerako deitu du Auzitegi Gorenak. Belek gaur eta bihar artean jakinaraziko du auzitegira joango den ala ez, borondatezkoa baita deklaratzera joatea.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.