EH Bildu: 'Estatus berriak erabakitzeko eskubidea aitortu behar du'
EH Bilduk EAJri esan dionez, ez du “erdibiderik” onartuko Euskadiko estatus politikoa aldatzeko orduan, eta, hori dela eta, euskal herritarren “erabakitzeko eskubidea” onartuko lukeen akordio batean soilik hartuko luke parte koalizioak Autogobernu Lantaldean.
Miren Larrion eta Jasone Agirre EH Bilduko legebiltzarkideek agerraldia egin dute gaur Gasteizen, ostegunean Eusko Legebiltzarrean, Politika Orokorrari buruzko Eztabaidan, koalizioak ardatz izango dituen ildoak aletzeko: arlo sozioekonomikoa eta enplegua, bakea eta bizikidetza, autogobernua eta burujabetza.
EH Bilduk Eusko Legebiltzarrean asteazkenean berriz lanean hasiko den Autogobernu Lantaldean hartuko duen jarrerari dagokionez, Larrionek adierazi du EH Bilduk ez duela bertan akordiorik hitzartuko, eztabaidagai den estatus politikoan erabakitzeko eskubidea aitortuta ez badago.
“Estatus berriak erabakitzeko eskubidea jaso behar du, halabeharrez. EH Bilduk bermatuko du testuak gure herriaren erabakitzeko eskubidea jasotzea, eta eskubide hori gauzatzeko mekanismoak azaltzea”, esan du Larrionek.
"Aldebikotasuna"
Larrionek Euskadiren eta Estatuaren arteko “aldebikotasunaz” hitz egiten jarraitzea aurpegiratu dio Iñigo Urkullu lehendakariari, onartu eta 40 utera Gernikako Autonomia Estatutua "bete gabe baitago".
EH Bilduko legebiltzarkidearen esanetan, benetako aldebikotasunak dakar “edozein nazio beste bat baino gehiago ez izatea, baina gutxiago ere ez”.
Larrionen ustez, erabakitzeko eskubidearen aldeko urratsak egin nahi dituenak ezin du akordiorik egin eskubide hori onartzen ez duenarekin eta “horren aldekoak kartzelatzeko mehatxua egiten duenarekin”.
Katalunia
Podemos alderdiak Katalunian erreferendum hitzartua egite aldera proposatu duen Estatu mailako akordioari buruz, Larrionek ontzat jo du Estatuan “erabakitzeko eskubidearen eta autodeterminazioren aldeko ahotsa sortzea”, baina EH Bilduk “oraingoz” ekimen horretan parte hartzeko asmorik ez duela aurreratu du, “beste lehentasun batzuk” baititu, hala nola Katalunian urriaren 1erako deitu duten galdeketa babestea.
Ekonomia eta bizkidetza
Larrionek osteguneko eztabaidan EH Bilduk beste esparru batzuetan esango dituenak ere gogoratu ditu. Ekonomiari buruz, Euskadin “desberdintasuna” bukatzeko neurriak eskatuko dituzte, eta erakundeen lidertza eskatu dute krisian dauden enpresei laguntzeko.
Bizikidetzaren arloan, “biktima guztiak” aitortzera eta memoria aberastera bideratutako akordioak egitearen alde agertu da.
Zure interesekoa izan daiteke
Aragoiko parte-hartzea % 40,26koa izan da 14:00etan
Jarduneko gobernu autonomikoak parte-hartzearen inguruan emandako lehen datuen arabera, 107.040 aragoiarrek eman dute botoa lehen bi orduetan. Hautagai gehienek ere eman dute botoa, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.