Junquerasen hitzetan, auzitegiek gastuen kontrola bertan behera utzi dute
Kontuak kudeatzeko garaian Generalitateak normaltasunez ekingo duela azaldu du gaur Oriol Junqueras Kataluniako Gobernuaren presidenteordeak. Auzitegiek Exekutibo zentralaren esku-hartzea bertan behera utzi dutela uste du Generalitateak.
Bankuekin “bide administratibo eta notarialetik” harremanetan jarriko direla iragarri du Junquerasek, “normaltasuna” helarazteko.
Kataluniaren oinarrizko gastuak kontrolatzeko erabakia hartu zuen Gobernu zentralak iragan ostiralean, Generalitateak Ogasun Ministerioari gastuen inguruko txosten bat astero bidaltzeari utzi ondoren. Helburua urriaren 1eko erreferendumera diru publikoa bideratzen ez dela egiaztatzea da.
10 eguneko epea
Generalitateak neurriari helegitea jarri zion atzo, Auzitegi Gorenaren aurrean. Era berean, Ministroen Kontseiluko akordioaren aplikazioa bertan behera uztea eskatu zuen Kataluniako Gobernuak helegitean. Auzitegiko iturriek gogorarazi dutenez, tramite horretan aldeei alegazioak aurkezteko tartea eman behar zaie. Demandatuak, kasu honetan Estatuko Abokatutzak, hamar eguneko epea du alegazioak aurkezteko, ondorioz, neurria ez da bertan behera geratu.
Hala ere, helegitea tramitera onartu eta gero, Exekutibo zentralaren akordioa baliogabe geratu dela argudiatu du Junquerasek, Generalitatea bildu ondoren. Ondorioz, Kataluniako Gobernuak kontuen kudeaketari dagokionez “normaltasunez” ekingo duela iragarri du presidenteordeak.
Gorenaren “jurisprudentziak” Generalitatearen argudioa babesten duela ziurtatu du Junquerasek, nahiz eta auzitegiak helegitearen aurkezpenak akordioa automatikoki baliogabetzen ez duela esan. Estatuko Abokatutzak 10 eguneko epea du, legearen arabera.
Estatuko Gobernuak ohartarazi duenez, Junquerasek ezin dio “hirugarren bati legetik at ekiteko” eta “dagozkion funtzioak betetzeari uzteko” eskatu, “helburu politikoen” mesedetan, eta horren berri emango die bankuei.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.