Trapero, Sanchez eta Cuixart berriro deklaratzera, sedizioagatik
Josep Lluis Trapero Esquadra Mossoen burua, Jordi Sanchez eta Jordi Cuixart ANC eta Omnium Cultura elkarteetako presidenteak, hurrenez hurren, deitu ditu deklaratzera Carmen Lamela Auzitegi Nazionaleko epaileak, irailaren 20an eta 21ean Bartzelonan izandako protestetan sedizio delitua egin zutelakoan.
Hirurak izan ziren urriaren 6an epailearen aurrean, baina Fiskaltzak ez zuen orduan kautelazko neurririk eskatu, argiketa txosten berriaren zain baitzegoen; eta, hortaz, aske utzi zituen.
Bestalde, Teresa Laplana mossoen funtzionarioa ere deitu dute datorren astelehenean deklaratzera; joan den ostiralean, osasun arazoak zirela eta, bideokonferentzian deklaratzea eskatu ostean. Laplana, irailaren 20an, Ekonomia Kontseilaritzan egindako miaketetako idazkari judiziala izan zen.
Guardia Zibilak moteltasuna egotzi dio Traperori Kataluniako urriaren 1eko erreferendumaren egunean. Baita Carles Puigdemont eta Oriol Junqueras Generalitateko presidente eta presidenteordearekin aldez aurretik adostutako plana aurrera eramatea leporatu diote.
"Agerian" emandako geldotasun hori agenteena baino Esquadra Mossoen goi-karguen aginduz eman zela uste du Guardia Zibilak, "egun horretan parte ez hartzeko aldez aurretik adostutako plana baitzuten Esquadra Mossoen goi-karguek (Trapero buruan) eta Puigdemontek eta Junquerasek".
Irailaren 20an Guardia Zibilari egindako jazarpenenaren eta erreferendumaren egunean Mossoek izandako jokabidearen harira, "zuzena eta egokia" izan zela, eta halaber, "denbora nahizkoaz abisatu ez zietele" defendatu zuen Traperok berak, joan den ostiralean Lamela epailearen aurrean.
Hori dela eta, epaileak goizeko 09:00etan deitu ditu deklaratzera Auzitegi Nazionalean.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.