Generalitateak eta herritarrek Cuixart eta Sanchez aske uzteko eskatu dute
Milaka katalan kalera atera dira, beste behin, gaur. Oraingoan Jordi Sanchez eta Jordi Cuixart ANC eta Omnium Cultural elkarteko presidenteak aske uztea eskatzeko bildu dira. Carmen Lamela Auzitegi Nazionaleko epaileak biak kartzelatzeko agindua eman eta biharamunean, protesta eguna deitu dute gaurko elkarte subiranistek.
Eguerdian lanuzteak egin dituzte nonahi, baina akaso esanguratsuena Bartzelonako Sant Jaume plazan egin dute, Generalitateko eta Bartzelonako Udaleko buruzagiak batu dituelako. Bertan izan dira Carles Puigdemont Kataluniako presidentea, Oriol Junqueras presidenteordea, kontseilari ugari, Ada Colau Bartzelonako alkatea, Gerardo Pisarello Bartzelonako alkateordea eta hainbat zinegotzi.
Elkarretaratze isila deitu arren, "llibertat" eta "independencia" oihuak entzun dira. Taula per la Democracia plataformako kideek (Kataluniako sindikatu eta erakunde zibiletako ordezkariak biltzen ditu) "Eskubideen eta askatasunen defentsan" leloa zuen pankarta bat zabaldu dute. Ondoren, bertan bildutakoek Lluis Llachen "L'estaca" abestu dute, eta Puigdemontek eta Colauk hitz batzuk egin dituzte.
Hedabideak Sant Jaume plazara begira egon badira ere, Katalunia osoan milaka izan dira Cuixart eta Sanchez askatzea eskatzeko egin diren elkarretaratzeak:
El personal sanitari de l’Hospital Josep Trueta de #Girona en aturada a favor de la democràcia.#democràcia #llibertat #EnTempsRealEPA pic.twitter.com/VEfXCt9q4w
— Cristina Jutge (@cristinajutge) 2017(e)ko urriak 17
Bartzelonan, Gran Via ordu laurdenez itxi dute manifestariek. Gran Viak eta Balmes kaleak bat egiten duten bidegurutzean, Kataluniako Osasun Institutuko langileak bildu dira (Kataluniako enpresa publiko handiena).
Deialdi horrekin bat egin du Universitats per la Republica elkarteak, eta ikasleen campusen aurrean biltzeko deia egin die, "Stop demokraziaren kontrako erasoei: preso politikoak, aske" lelopean.
Elkarretaratzea Diagonalen
Arratsaldean, 20:00etan, berriz, elkarretaratzea egingo dute Bartzelonako Diagonal Etorbidean, Francesc Macia eta Gracia Pasealekuaren arteko tartean. Bertara joango direnei kandelak eramateko eskatu diete, protestaren zentzu "baketsu eta zibikoa" azpimarratzeko.
Ehunka pertsona bildu dira bart Bartzelonako Sant Jaume plazan, 'Jordiak' aske uztea eskatzeko. EFE
Gure Esku Dagok elkarretaratzeak deitu ditu Euskal Herrian
Halaber, Kataluniako herriari elkartasun erakusteko eta "egoeraren larria ikusita", Gure Esku Dagok elkarretaratzeak deitu ditu gaur arratsalderako, "Junts" lelopean, 19:00etan Euskal Herriko plaza guztietan.
Deialdi nazionala Donostian izango da, Boulevard Zumardian, eta Angel Oiarbide bozeramaileak adierazpenak egingo ditu bertan.
Omniumek laguntza eskatu dio Europari
Bestalde, Omnium Culturalek bideoa zabaldu du sare sozialetan "Help Catalonia. Save Europe" izenburupean. Ingelesez egindako hiru minutu pasatxoko grabazioan, Katalunian gertatzen ari dena azaltzen diote nazioarteari. Kataluniako herria baketsua eta europazalea dela gogorarazita, urriaren 1ean Estatuko Segurtasun Indarrek "ordura arte Europan ikusi bako indarkeria" baliatu zutela salatu, eta Jordi Cuixart eta Jordi Sanchez kartzelatu izana kritikatu dute. Ingurumari horretan, laguntza eskatu diete Europako herritarrei, "beranduegi izan baino lehen".
Zure interesekoa izan daiteke
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.