Puigdemontek independentzia aktibatuko du, Rajoyk 155a ezarriz gero
Carles Puigdemont Generalitateko presidenteak PDeCAT alderdiaren babesa jaso du independentzia deklarazioa indarrean jartzeko, Espainiako Gobernuak Konstituzioaren 155. artikulua ezartzen badu.
Marta Pascal PDeCATeko koordinatzaile nagusiak agerraldia egin du alderdi horrek arratsalde honetan egin duen bileraren inguruko xehetasunak azaltzeko. "Determinazio handiz jokatzen ari gara. Estatuak 155a aplikatzen badu, presidenteak gure babes guztia dauka independentzia deklarazioa indarrean jartzeko", azpimarratu du.
Kataluniako Parlamentuak independentzia deklarazioa aldi baterako etetea erabaki zuen, nazioarteko bitartekaritza bilatu eta Espainiako Estatuarekin elkarrizketa bat abiarazteko asmoz.
Pascalek ez du argitu nola eta noiz jarriko litzatekeen indarrean independentzia deklarazioa. Katalunia Errepublika independentea bilakatzeko estrategia zehaztea Generalitateko presidenteari dagokiola erantsi du.
Hauteskundeak aurreratzeko aukerari, ezezkoa
Horrez gain, hauteskundeak aurreratzeko aukera Kataluniako Gobernuaren nahiz PDeCATen mahai gainean ez dagoela berretsi du, ezta independentzia deklarazioari uko egitea ere, Espainiako Gobernuak exijitu bezala.
Gaur jakinarazi du Mariano Rajoyren exekutiboak ez duela Espainiako Konstituzioaren 155. Artikulua ezarriko, Puigdemontek hauteskundeak deitzen baditu, independentziarako ibilbide-orria baztertuta.
"Asmo txarrez zabaldutako zurrumurruak dira", ohartarazi du Pascalek.
Hauteskunde konstituziogileak deituko ote lituzkeen galdetuta, Pascalek baietz erantzun du, Junts pel Siren ibilbide-orrian hala zehaztuta dagoelako. Alabaina, deialdia berehalakoa izango ez dela zehaztu du, "independentzia aldarrikatu eta hilabete batzuk igaro ostean izango da hori".
Rajoyri erantzuna eta biltzarra
Espainiako Gobernuak egindako errekerimenduaren epea ostegun honetan amaituko da, 10:00etan.
Puigdemontek zuhurtzia eta irmotasuna eskatu dituela, baina Mariano Rajoyri eman beharreko erantzunaren edukiaz hitz egin ez duela azaldu du Pascalek.
Bestalde, datorren azaroaren 11an PDeCAT alderdiak biltzar politikoa egingo duela iragarri du eta, beste gai batzuen artean, Kataluniako Errepublikaren Konstituzioa nola landu aztertuko dutela jakinarazi du.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.