Confebaskek ETAren indarkeria jasan zuten enpresariak omenduko ditu gaur
ETAren estortsioa eta indarkeria jasan zuten enpresariak omenduko ditu gaur Confebask patronalak, 18:00etan Euskalduna Jauregian egingo den ekitaldian. 400 lagun baino gehiago gonbidatu dituzte omenaldira, eta, enpresa munduko pertsonez gain, ordezkaritza instituzionala ere izango da bertan, Iñigo Urkullu lehendakaria buru dela. EH Bildu koalizioa ez dute gonbidatu.
ETAk bere jarduera armatua behin betiko amaitu zuela iragarri eta sei urtera egingo da omenaldia. Iñigo Urkullu lehendakariak itxiko du ekitaldia, eta Jaurlaritzako sailburu guztiak egongo dira bertan. Jaurlaritzako kideekin batera, hiru ahaldun nagusiak, Donostiako, Bilboko eta Gasteizko alkateak eta alderdi politikoetako kideak ere joango dira.
Eduardo Aretxaga Confebaskeko zuzendari orokorrak aurkeztuko du ekitaldia, eta Roberto Larrañaga patronaleko presidenteak, berriz, euskal enpresariak aitortzeko adierazpen bat irakurriko du.
Omenaldiak hiru zati nagusi izango ditu. Lehenengoan, ETAren jarduera armatuak iraun duen urteetan enpresariek bizitakoa laburbilduko duen bideoa proiektatuko da. Bideo horretan, ETAren biktima izan diren enpresarien, Confebaskeko presidente ohien eta Arabako, Bizkaiko eta Gipuzkoako patronaletako presidenteen testigantzak entzun ahalko dira.
Ekitaldiaren zati nagusian, bigarrenean, ETAk hildako, bahitutako eta mehatxatutako enpresariak omenduko dituzte. Ildo horretan, enpresa munduko hainbat ordezkari igoko dira oholtzara, kolektibo osoaren izenean.
Hirugarren eta azken zatian, berriz, "ilusio eta baikortasun" mezua zabaldu nahi du patronalak orainari eta etorkizunari begira.
ETAk ehun enpresari inguru bahitu eta hil zituen eta beste asko "iraultza zerga" ordaintzera behartu zituzten. ETAk hildako lehen enpresaria Angel Berazadi Sigmako zuzendari gerentea izan zen; 1976ko martxoaren 18an bahitu zuten, eta apirilaren 7an aurkitu zuten haren hilotza Elgoibarren. ETAk hildako azken enpresaburua, ostera, Inaxio Uria izan zen. 2008ko abenduaren 3an hil zuen ETAk, Azpeitian.
EH Bildu ez dute ekitaldira gonbidatu
Confebask patronalak ez du EH Bildu koalizioa gonbidatu ekitaldira, oraindik horretarako momentua ez dela iritzita. Aste honetan bertan, Arnaldo Otegi EH Bilduko koordinatzaile nagusiak kritikatu egin du patronalaren erabakia.
Otegiren esanetan, bakoitza libre da bere ekitaldi batera nahi dituen pertsonak gonbidatzeko, baina "errespetua" eskatu du. "Oso ondo, gu ez gonbidatzea erabaki duzue, baina, gustatu ala ez, gu gara herri honetako bigarren indarra eta alternatiba", azpimarratu du.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.