Egibarrek esan du 155. artikulua aplikatzeak 'guztiei' eragingo diela
Joseba Egibar Legebiltzarreko EAJren bozeramaileak esan duenez, Espainiako Gobernuak Katalunian Konstituzioko 155. artikulua aplikatzeak, PSOEren babesarekin, "guztioi eragingo digu".
Radio Euskadiko eztabaidan, Egibarrek esan du 155 aplikatzea garrantzitsuagoa dela EAJk eta PSE-EEk autogobernuari buruz hitzartutakoetan izandako desadostasunak baino, "gainditu" egiten dituelako, eta inboluzio demokratikoa izan daitekeelako, guztioi eragiten diguna, ez Kataluniari soilik".
Egibarren hitzetan, "egia da" EAJ eta PSE-EE ez datozela bat gai honetan, eta "gai larria" dela, "printzipio demokratikoei, oinarrizko eskubideei eta askatasunei" eragiten dielako.
Halaber, Katalunian autonomia etenda "klima politikoa okertu egingo da leku guztietan", iragarri du.
Jose Antonio Pastor PSE-EEko bozeramaileak esan du 155. artikulua ez dela "irtenbide ona", baina gai honek ez diola EAJrekin duen gobernu akordioari eragiten nabarmendu du, "indarrean" jarraitzen duela esan ez; "hitzartutako desadostasunen katalogoa" jasotzen duela gaineratu du.
Iker Casanova EH Bilduko legebiltzarkideak "askoz ere zailagoa ikusi du PSE-EEk Eusko Jaurlaritzan EAJrekin jarraitu ahal izatea, 155. artikuluak sozialisten babesa jaso ostean, eta "litekeena da horrek aldaketak eragitea", azaldu du.
Bestalde, Lander Martinez Elkarrin Podemoseko bozeramailearen ustez, ez da onargarria PSE-EE Eusko Jaurlaritzan egotea, sozialistek "Kataluniaren autonomian esku hartzea" babesten dutenean.
Elkarrekin Podemoseko bozeramaileak adierazi du 155. artikulua aplikatzea katalanek aldebakarreko independentzia aldarrikatzea baino "are gutxiago" gustatzen zaiola 155. artikulua aplikatzea.
Laura Garridoren (PP) ustez, Ministroen Kontseiluak larunbat honetan onartuko duen neurriak "legezkotasun demokratikoa berrituko" du Katalunian, eta nazionalismoari "biktimismora" jotzea leporatu dio.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.