Milaka ikasle kalera atera dira Bartzelonan, 155. artikuluaren kontra
Milaka ikaslek parte hartu dute gaur Bartzelonan, 155. artikuluaren aplikazioaren kontra eta Jordi Sanchez eta Jordi Cuixart askatzea eskatzeko Universitats per la República plataformak eta ikasleen sindikatuek deitutako manifestazioan. Grebaren jarraipenari buruzko datu ezberdinak zabaldu dituzte batzuek eta besteek: 9.000 Bartzelonako Udaltzaingoak eta 20.000 Universitats per la Repúblicak.
Manifestazioa Unibertsitate plazatik atera da, Omnium Culturalaren egoitzatik igaro da (Jordi Cuixart eta Jordi Sanchez Omniumeko eta ANCko presidenteei elkartasuna adierazteko) eta Sant Jaume plazan amaitu da, Generalitatearen aurrean.
Ibilbidean zehar, Kataluniako errepublika aldarrikatzea, 155. artikulua ez aplikatzea eta hauteskunde autonomikoak ez deitzea eskatu dute.
Bartzelonan ez ezik, mobilizazioak izan dira Gironan, Lleidan eta Tarragonan. Bertako udaltzainek emandako datuen arabera, Gironan 1.500, Lleidan 1.200, eta Tarragonan 500 pertsona elkartu dira.
Universitats per la República plafatormak eta ikasleen sindikatuek greba deitu dute unibertsitateetan eta Bigarren Hezkuntzan, 155. artikulua aplikatzearen kontra, Kataluniako erakundeen alde eta Jordi Sanchez eta Jordi Cuixart askatzea eskatzeko. U-1eko emaitzak aplikatzea ere eskatzen dute.
Plafatormak mobilizazio gehiago deitu ditu azkenaldian: erreferendumaren aldeko manifestazioa (irailaren 28an), martxa isila (urriaren 2an) eta elkarretaratzeak (urriaren 17an).
UAB Bartzelonako Unibertsitate Autonomoan, greba egin dute asteazkenean, ikasleen sindikatuek deituta, eta "jarraipen irregularra" izan du, unibertsitatearen arabera.
Hezkuntza Komunitatearen Marko Bateratua ere 'No ens toqueu l'educació!' (Hezkuntza ez ikutu) lelopean mobilizatu da, "hezkuntza publikoaren alde" eta "155. artikuluaren aplikazioaren bidez suntsitzearen kontra".
Zure interesekoa izan daiteke
Aragoiko parte-hartzea ia % 11koa izan da 11:00etan
Jarduneko gobernu autonomikoak parte-hartzearen inguruan emandako lehen datuen arabera, 107.040 aragoiarrek eman dute botoa lehen bi orduetan. Hautagai gehienek ere eman dute botoa, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.