Generalitatea kargugabetu eta hauteskundeak deitu ditu Rajoyk
Mariano Rajoy Espainiako Gobernuko presidenteak Kataluniako Parlamentua desegin du eta hauteskunde autonomikoak deitu ditu abenduaren 21erako.
Gainera, Carles Puigdemont Generalitateko presidentea eta haren gobernuko kide guztiak kargugabetzeko agindua eman du.
Puigdemontek kargua utzi beharko du kargugabetzea aldizkari ofizialean argitaratu eta berehala, bestela, kargugabetzea onartzen ez badu eta Generalitatearen Jauregian ixten bada, funtzio usurpatze delitua leporatuko diote, Moncloako iturrietatik jakinarazi dutenez.
Cesar Puig Kataluniako Barne idazkari nagusia eta Pere Soler Esquadra Mossoen zuzendari nagusiak kargutik kentzeko ere agindu du Rajoyk. Neurri honek, oraingoz behintzat, ez du eraginik Josep Lluis Traperorengan.
Horrez gain, Kataluniako Gobernuak nazioartean ireki zituen enbaxada guztiak ixteko agindua eman du. Generalitatearen webgunearen arabera, ondoko herrialdeetan ditu ordezkaritzak: Alemanian, Frantzian, Suitzan, Erresuma Batuan, Irlanda, Austrian, Italian, Europar Batasunean eta Ameriketako Estatu Batuetan.
Rajoyk agerraldia egin du gauean, ezohiko Ministro Kontseiluan, Espainiako Konstituzioaren 155. artikulua baliatuta, Kataluniako independentzia deklarazioaren harira hartu dituzten salbuespeneko neurrien berri emateko.
Rajoyk esan du "premiazkoa" dela Kataluniako herritarrei "ahotsa ematea euren etorkizuna erabaki dezaten".
Aipatu neurriak ezartzea nahitaezkoa izan dela adierazi du, "Kataluniako herritarren izenean inork ez dezan legez kanpoko ezer egin".
"Hautestontziak izango dira, benetakoak, kontrolekin eta bermeekin, herritarren arteko bizikidetza berreskuratzeko oinarriak ezartzeko", erantsi du.
Espainiako Gobernuaren lehentasuna "bizikidetza" berreskuratzea dela esan du eta horretarako hauteskunde "libreak, garbiak eta legalak" lehenbailehen egitea ezinbestekoa dela adierazi du.
CUPek berehala erantzun dio deialdiari. Mireia Boya diputatuak Rajoyk abenduaren 21erako egindako deialdiari jaramonik ez dio egin eta egun horretarako "paella intsumiso masiboa" antolatzea proposatu du.
PSOE eta Ciudadanosen babesa eskertu du
Bestalde, Rajoyk esker ona agertu die Pedro Sanchez PSOEko idazkari nagusiari eta Albert Rivera Ciudadanoseko buruzagiari, gaur iragarri dituen neurriak babesteagatik.
UPN, Foro Asturias eta Coalicion Canaria alderdientzat ere esker on hitzak izan ditu, "une zailak" direlako eta Katalunian 155. artikulua ezartzeko Senatuan izan den osoko bilkuran PPrekin batera bozkatzeagatik.
Albiste gehiago politika
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".