Epaileak aske utzi ditu Puigdemont eta kontseilariak, baldintzapean
Belgikako Justiziak baldintzapeko askatasuna ezarri die Carles Puigdemont presidenteari eta lau kontseilari kargugabetuei.
Epaileak erabakitakoaren arabera, ezingo dute Belgikatik atera baimenik gabe. Bruselako Fiskaltzaren egoitzan deklaratu ostean, non bizi diren esateaz gain, deitzen dieten audientzia guztietara joan beharko dute. Epaileak hamabost eguneko epea du orain bostak Bruselako lehen auzialdiko epaitegira deitzeko. Horrez gain, Espainiako justiziak bidalitako euroaginduaren inguruan erabakia hartu beharko du, Fiskaltzak ohar batean azaldu duenez.
Puigdemontek eta Meritxell Serret, Toni Comin, Lluis Puig eta Clara Ponsanti kontseilari kargugabetuek Belgikako Poliziaren esku utzi dute euren burua igande goizean. Bruselako polizia-etxe batera joan dira, euren kabuz.
Belgikako Fiskaltzak prentsaurrekoan baieztatu duenez, Puigdemontek eta lau kontseilari kargugabetuek 09:17an agertu dira Brusela erdiguneko polizia-etxe batean.
"Bost lagunen abokatuarekin harremanetan izan gara, eta gaurko hitzordua adostu genuen, Royal kaleko polizia-etxean, alegia. Euren abokatuekin bertaratu dira, eta, euroagindua dela eta, atxilotu egin behar zituztela jakinarazi diete", Dejemeppen esanetan.
Belgikako fiskala, eguerdian eskainitako prentsaurrekoan. Argazkia: EFE
Polizia-etxetik Fiskaltzaren egoitzara eraman dituzte Poliziaren furgoneta batean, baina fiskalak esan du ez zekiela eskuburdinak jarrita eraman dituzten.
Arratsaldean zehar, Puigdemont eta lau kontseilari kargugabetuak Bruselako Fiskaltzaren egoitzan egon dira, epailearen aurrean deklaratzen.
Prozedura
Horrela, Puigdemont eta kontseilari kargugabetuen "askatasunaren inguruan" ebatzi du epaileak, baina ez euroaginduen "edukiaren inguruan", hori Batzorde Ganberak (lehen instantziako auzitegiak) aztertu behar duelako, Fiskaltzaren bozeramaileak ohartarazi duenez.
Orduan, Batzorde Ganberak 15 egun izango ditu erabakia hartzeko. Horren aurka helegitea aurkez dezakete gero Apelazio Gortean, eta azken urratsa Kasazio Gortea izango da.
Euroaginduaren arabera, bi Estatu kideren arteko estradizio-prozesuak gehien jota 60 egunetan ebatzi behar dira, baina epe hori 90 egunetara luza daiteke salbuespenezko kasuetan.
'Atxilotuta' ez, Belgikako 'Poliziaren esku' egon da Puigdemont
Bestalde, Puigdemonten inguruko hainbat iturrik komunikabideei jakinarazi dietenez, Puigdemont ez dago atxilotuta, Belgikako "Poliziaren esku" baizik. Iturri horien esanetan, Puigdemontek "ez du Justiziatik ihes egin nahi, bidezko prozedura batean bere burua defendatu baizik".
Puigdemonten abokatua
Puigdemonten abokatua, Paul Bekaert, 13:30ean iritsi da Belgikako Fiskaltzaren egoitzara. Bekaert bera da Meritxell Serret, Toni Comín, Lluís Puig eta Clara Ponsantí lau kontseilari kargugabetuen lege-aholkularia ere.
Abokatuak ez du hitz egin nahi izan Fiskaltzan bildu diren abokatuen aurrean.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.