33.000 arabarrek izango dute aukera igande honetan kontzeju berriak hautatzeko
33.000 herritarrek, alegia, Arabako biztanleen % 10ek, aukera izango dute gaur, igandea, Arabako kontzejuetarako hauteskundeetan parte hartzeko. Guztira, Arabako 334 kontzejuetako hautesleek erabaki beharko dute nortzuek ordezkatuko dituzten aipatutako erakundeetan ondorengo lau urteotan.
Maria Pilar Garcia de Salazar Arabako Ekonomia Garapenaren eta lurralde Orekaren Saileko diputatuak agiri batean azaldu duenez, kontzejuek izaera juridiko propioa dute, eta erabateko autonomia. Arabako Foru Aldundiaren babespean daude. Kontzejuen lana da herritarrei eskaintzea behar dituzten zerbitzu publikoak. Hortaz, ordezkaritza-bide zuzenena dira hainbat gaitan: adibidez, bideak konpontzen; kale, lorategi eta kirol-instalazioak mantentzen, mendiak zaintzen, argiterian, uraren kudeaketan… Eskumen osoa dute gai horietan jarduteko, eta herritarren interesak kudeatzeko.
Finantziazio-defizita
Radio Euskadin izandako elkarrizketa batean, Javier Argote Kontzejuen Elkarteko presidenteak nabarmendu du kontzejuek 33.000 bat arabarren ordezkaritza dutela; hau da, Arabako biztanleriaren % 10ena, baina bakarrik jasotzen dutela toki-erakundeei zuzendutako aurrekontuaren % 1,9. Argotek finantziazio-defizit hori nabarmendu nahi izan du, eta, halaber, garrantzitsutzat jo du gaur hautatu behar dituzten erakundeen lana.
Arabako Kontzeju gehienak irekiak dira, eta herritarren asanbladek kudeatzen dituzte; Batzar bana eta presidente bana dute asanblada horiek. Gaur hautatuko dutena Batzarra eta Presidentetza dira.
Zure interesekoa izan daiteke
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioen ofizialtasunean beste urrats bat emateko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren "partida ez dela bulegoetan bakarrik jokatzen”, eta motibazioaren eta aktibazio sozialaren beharra aldarrikatu du.
Delituen gorakada eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz hizketan aritu dira dinamika partehartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimentuak kontutan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuk nahita nahasten dituzte segurtasuna eta migrazioa. Eztabaidari heldu eta modu gardenean aurre egiteko beharra nabarmendu du.
Burujabetza handiagoa eta herritarren eskubideen bermea aldarrikatu ditu Gure Esku-k
Plataformak gogoratu du gaur 92 urte bete direla autonomia estatutuari buruzko erreferendumetik, eta zortzi Getxon herri-galdeketa egin zenetik.
Hainbat kazetarik ziurtatu dute fiskalak baino lehenago zutela informazioa: "Ez dit inoiz paperik pasatu"
Fiskal nagusiaren aurkako epaiketaren hirugarren eguna PSOEko Juan Lobato eta Pilar Sanchez Aceraren deklarazioekin hasi da. Biek ala biek adierazi dute epaiketako gaia den mezuaren irudi bat jaso zutela eta ez dakitela nondik etorri zen. Ondoren deklaratu duten kazetariek sekretu profesionalerako eskubideari heldu diote.
Ertzaintzak Ernairen aurka ezarritako isunak baliogabetu edo nabarmen murriztu ditu Gasteizko epaitegi batek
Arrazoia eman diote gazte antolakundeari: Galder Barbado eta Aitor Zelaia gazteen espetxeratzeen aurka 2023an egindako protestak guztiz zilegiak izan ziren zirela esan dio ebazpenak, baimendu gabeko mobilizazioak izan baziren ere.
Lehendakariak erantzun dio Bengoetxeari: "Lehendabizi, Perez Iglesias sailburuarekin biltzea da egokiena"
Bere aldetik, Zientzia, Unibertsitate eta Berrikuntzako sailburua minduta agertu da, EHUko errektoreak lehendakariarekin bilera eskatu duelako, sailburua aintzat hartu gabe. "Ez da lagunak egiteko modurik onena", esan du.
Anduezak salatu du EAJk ez duela PSE-EErekin adostu Madrilera igorritako transferentzien dokumentua
PSE-EEren eta EAJren artean, beste talka bat. Eneko Andueza PSE-EEren idazkari nagusiak esan du transferentzien dokumentua aldebakarrez landu zutela jeltzaleek, EAJren interesak defendatzeko.
EHUk eta Eusko Jaurlaritzak Zientziaren Asteari hasiera eman diote, elkarri eskerrak emanez
Ekitaldia unibertsitate publikoaren finantziazioak eragindako tentsioaren ostean iritsi da, baina bi erakundeek lankidetza eta elkarrekiko errespetua eskatu dute.
Covite: "Euskadin eta Nafarroan dagoen erradikalizazio biolentoa arazo oso larria da"
Consuelo Ordoñez Coviteren presidenteak "beldurgarritzat" jo ditu joan den astean Nafarroako Unibertsitateko campusean izandako istiluak, eta horrelakoen aurrean "zigor administratiboak" jartzea defendatu du.