Forn, Cuixart eta Sanchez urtarrilaren 11rako deitu ditu Auzitegi Gorenak
Joaquim Forn Kataluniako Barne kontseilari kargugabetua eta Jordi Cuixart eta Jordi Sanchez buruzagi independentistak urtarrilaren 11rako deitu ditu Pablo Llarena Auzitegi Goreneko epaileak. Independentzia prozesuaren sumario barruan berriz galdekatuko ditu magistratuak, auzipetuek eskatu bezala.
Cuixart (Omniumeko presidentea), Sanchez (ANCko presidente ohia) eta Forn badaezpadako espetxean dira. Independentzia lortzeko konspirazioaren oinarrian kokatzen ditu epaileak, eta delitua berriz egiteko arriskua dagoela uste du magistratuak.
Epailearen aurrean berriro deklaratzea eskatu dute hirurek, eta magistratuak eskaera onartu du. Horrela, urtarrilaren 11rako eman die hitzordua, 09:30ean.
Hautagaiak, kartzelan
Forn PDeCATeko hautagaia da Bartzelonan, eta epaileak matxinada aurrera eramateko erabakien atzean egotea leporatu zion. Horrela, mobilizazioen aurrean Esquadra Mossoen pasibotasuna bultzatu zuela uste du magistratuak.
Joaquim Forn Kataluniako Barne kontseilari kargugabetua. Artxiboko irudia: EFE
Sanchez Junts Per Catalunyako bigarrena da Bartzelonako zerrendan, abenduaren 21eko hauteskundeetarako. Sanchezek hauteskunde-kanpainan parte hartu nahi zuen, eta horretarako baimenak eskatu zituen, baina epaileak atzera bota ditu guztiak, istilu berriak bultza ditzakeela iritzita.
Oriol Junqueras presidenteorde kargugabetuak, Joaquim Fornek eta ANC eta Omniumeko buruzagiek espetxean jarraitzea erabaki zuen Llarenak abenduaren 4an, prozesu independentistaren "indarkeria" berriz ez bultzatzeko.
Egun horretan bertan, sei kontseilari kargugabetu 100.000 euroko fidantzapean aske uztea erabaki zuen Llarenak, ez berriro delitua egiteko arrisku txikiagoa zela iritzita, eurak delitua egitearen ondorioak larriagoak izango ez direla uste zuelako baizik.
Sanchez eta Cuixart espetxe prebentiboan daude urriaren 16tik eta kontseilari kargugabetuak azaroaren 2tik, besteak beste, matxinada delitua egotzita, aldebakarreko independentzia adierazpena egiteko prozesuan parte hartzeagatik.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.