Foro Sozialak urratsak antzeman ditu presoen auzian, 'nabarmenak ez badira ere'
Foro Sozial Iraunkorrak presoen auzian "urrats garrantzitsu batzuk" eman direla esan du, "emaitzak nabarmenak ez badira ere".
Teresa Toda eta Nekane Alzelai bozeramileek agerraldia egin dute Donostian, urteko balantzea egiteko.
Presoen auzia konpontzeko bidean Euskal Herrian eman diren "aurrerapenak" azpimarratu dituzte eta Frantziako Gobernuak jarrera aldatu izana goraipatu dute. Ildo berean, Espainiako Gobernuak inolako urratsik emateko borondaterik erakutsi ez izana salatu dute.
Eusko Legebiltzarrean, Nafarroako Parlamentuan eta sindikatuen artean gaixotasun larriak dituzten presoen eskubideen defentsan lortutako akordioak aipatu dituzte emandako urrats horien artean.
Joan den larunbatean Parisen egindako manifestazioa mugarri izango dela iritzi diote, gizarte zibilak prozesu honetan duen garrantzia erakutsi zuelako.
ETAren armagabetzea gauzatzeko Ipar Euskal Herrian abian jarri zuten metodoa presoen auzia konpontzeko erabiltzea defendatu dute. "Iparraldeko erakundeen, presoen kolektiboaren eta gizarte zibilaren arteko akordioak bilatzea da gakoa", adierazi dute.
Frantziako Justizia Ministerioarekin lan-esparru bat irekitzerakoan Jean Rene Etchegaray Ipar Euskal Herriko Elkargoaren presidenteak izan duen garrantzia nabarmendu dute eta positibotzat jo dute Eusko Jaurlaritzaren ekarpena.
Lan horrek Frantzian "lehendabiziko fruituak" eman dituela erantsi dute: preso bat hurbildu dute eta euskal presoei ezartzen zieten estatus berezia bertan behera utzi dute.
"Honek erakusten du gauzak aldatu egin ahal direla, baina errealistak gara eta ez dugu mugimendu ikusgarririk espero", azpimarratu dute.
Bestalde, Espainiako Gobernuaren jarrera gogor kritikatu dute, ez duelako inolako pausorik eman, "ezta gaixotasun larriak dituzten presoen inguruan ere".
Zure interesekoa izan daiteke
Peinadok uko egin dio Begoña Gomezen auzia artxibatzeari eta Presidentetzako goi-kargudun bat inputatu du
Judit González Pedraz Gobernuko Presidentzetzako egungo idazkari nagusia inputatu du epaileak, ondasun publikoak bidegabe erabiltzea egotzita, eta azaroaren 12an deklaratzera deitu du.
Bingen Zupiria: "Batzuek kanpotarrak estigmatizatzeko helburua dute, eta diagnostiko zehatza egin behar da"
Bingen Zupiria Segurtasun sailburuak Gasteizen esan duenez, kezka berezia sortzen diote 2025eko lehen hiruhilekoan homizidioek eta indarkeria matxista kasuek izan duten igoerak. "Aurten 11 homizidio izan ditugu. Urte asko dira ez genituen horrenbeste homizidio", adierazi du Zupiriak.
Fiskal Nagusiaren epaiketa "barregarrikeria" dela esan du Patxi Lopezek
Patxi Lopez PSOEk Diputatuen Kongresuan duen bozeramaileak salatu duenez, Auzitegi Gorenean Alvaro Garcia Ortiz Estatuko fiskal nagusiaren aurka egindako epaiketa "barregarrikeria da", eta "egia gailentzea" eta errugabe deklaratzea espero du. Radio Euskadin egindako elkarrizketa batean, Lopezek galdetu du nork eraman duen "Ayusoren bikotekidea (Alberto Gonzalez Amador) egoera horretara", ez badira izan bera eta bere ingurukoak. "Izan ere, bera edo bere abokatua akordio batera iritsi nahian ari ziren iruzur egindakoa Ogasunari itzultzeko eta, hortik abiatuta, inolako zentzurik ez duen ikuskizun moduko bat antolatzen hasi ziren", adierazi du.
O23a, Franco edo Sofia, besteak beste, aipatu ditu Juan Carlos I.ak bere bizitzako oroitzapen liburuan
Espainiako errege emerituak Abu Dabitik “Reconciliación” liburua idatzi du, bere bizitza, itzalguneak eta ondarea errepasatzeko. 87 urterekin, Trantsizioan izan zuen papera aldarrikatu, Felipe VI.arengandik urrundu izana deitoratu eta “akatsak”, “bakardadea” eta “mina” aitortu ditu.
Puentek adierazi du Zallan 24 trenbide-pasagune kendu egingo dituztela, aurreko asteko istripuan lagun bat hil ostean
Ministroak aitortu duenez, udalerri hori da Euskal Autonomia Erkidegoan "trenbide-pasagune gehien" dituena, eta baliteke "Espainiako trenbide-sare osokoa" izatea ere, 34 trenbide-pasagune baititu.
Torresek bere izena zikintzeko erasoa salatu eta Victor de Aldama auzitara eramango du
Ministroak iragarri du auzitara eramango duela 'Koldo auzi'ko komisio-hartzailea, haren eta familiaren ohorea, intimitatea eta irudia kaltetzeagatik.
Segurtasun Sailaren aurrekontua % 6,4 igoko da 2026an, eta 850 milioi eurora iritsiko da
Bingen Zupiria sailburuak bere sailaren kontuak aurkeztu ditu Eusko Legebiltzarrean. Kontu horiek % 6,4 igo dira, eta lehentasuna ematen diete teknologia modernizatzeari, Ertzaintza indartzeari eta zibersegurtasuna hobetzeari.
Insaustik donostiarrei "gehiago eta hobeto entzuteko" konpromisoa hartu du
Astearte honetako Tokiko Gobernu Batzarraren osteko prentsaurrekoan, Jon Insaustik adierazi du bilera "berezia eta gogorra" izan dela. Donostiako alkateak eta Ane Oyarbide PSE-EEren Udaleko bozeramaile eta lehen alkateordeak Donostiako Gobernua "indartsu, indarberrituta eta jarrera berriarekin" dagoela defendatu dute.
Euskadik eta Iparraldeak lankidetza-akordioa sinatu dute igarobidean dauden migratzaileen inguruan
Akordio berria Gasteizko Ajuria Enea Jauregian sinatu dute Imanol Pradales lehendakariak eta Jean-Rene Etchegaray Euskal Hirigune Elkargoko presidenteak eta Baionako alkateak, eta "erronka politiko, ekonomiko, sozial eta ingurumenekoei elkarrekin aurre egiteko ikuspegi komuna eraikitzeko" borondatea dutela adierazi dute.
Ayusoren bikotekideak "publikoki hiltzea" egotzi dio Estatuko fiskal nagusiari
Miguel Angel Rodriguezek, Ayusoren kabineteburuak, azaldu "bere burua behartuta" ikusi zuela Fiskaltzarekin negoziatzen ari zirela filtratzera.