Artur Mas, Marta Rovira eta Anna Gabriel ikertuko dituzte, matxinatzea egotzita
Pablo Llarena Auzitegi Goreneko epaileak Kataluniako independentzia prozesuaren barruan ustezko matxinada delitu baten kariaz egiten ari den ikerketa zabaltzea erabaki du, eta, besteak beste, Artur Mas Kataluniako presidente ohia, Marta Rovira ERCko idazkari nagusia eta Anna Gabriel Parlamentuan CUPen bozeramaile izandakoa sartu ditu horren baitan.
Gorenak argitara ateratako autoan, halaber, ikertu gisa agertzen dira Mireia Boya CUPeko talde parlamentarioko presidentea, Marta Pascal PDeCATeko koordinatzaile nagusia eta Neus Lloveras AMI Independentziaren aldeko Udalerrien presidentea.
Epailearen arabera, pertsona horiek guztiek Kataluniaren independentzia aldarrikatzeko batzorde estrategikoan parte hartu zuten, eta hala jasota agertzen da “Enfocats” prozesuaren ildoak zehazten dituen bide orrian, Josep Maria Jove Oriol Junquerasen ondokoaren etxean atzeman zuten horretan. Jove kartzelan dago azaroaren 2tik, auzi horrekin lotuta.
"Beste elementu batzuk"
Epaileak autoan ezarritakoaren arabera, “Enfocats” dokumentuan pertsona horien inguruan agertzen diren aipamenak ez ezik, “badaude beste elementu batzuk ere idatzian esaten dena berresteko”.
Batetik, Llarenak adierazi du sei pertsona horiek hainbat batzarretan parte hartu zutela, “ikergai den hauste prozesua sortu eta antolatzeko, Josep Maria Jove Lladoren etxean egindako miaketan aurkitu zuten agendan jasotzen denez”.
Halaber, Llarenak erantsi du dirudienez ikertu hauek guztiek parte-hartze “nagusia” izan dutela prozesuan “berori burutu zuen ekinbide parlamentarioa gauzatu ahal izateko babes politikoa eman baitzuten, Guardia Zibilak egindako agirian zehatz-mehatz azaltzen denez”.
Trapero eta Jove auzipetu nahi ditu Fiskaltzak
Bestalde, Auzitegi Goreneko Fiskaltzak Josep Lluis Trapero Esquadra Mossoen buruzagi ohia eta Josep Maria Jove Generalitateko Ekonomia idazkari nagusi ohia, matxinada delitua egotzita, auzipetzeko eskatu dio Pablo Llarena epaileari.
Jove eta Trapero auzian ikertzea “guztiz saihestezina” dela azaldu dio fiskalak magistratuari idatzian.
Joveri dagokionez, Guardia Zibilak Moleskine agenda bat atzeman zuen bere etxean, bertan Kataluniako independentzia planifikatzeko bileretan parte hartu zuten 40 pertsona baino gehiagoren izenak agertzen ziren.
Carmen Lamela Auzitegi Nazionaleko epaileak irailaren 20an eta 21ean, Bartzelonan, gertatutakoagatik irekitako auzian sedizioagatik ikertzen ari diren bakarra da Josep Lluis Trapero.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.