Junquerasek libre uztea eskatu du: 'Elkarrizketa bilatzen duen bake gizona naiz'
Oriol Junqueras Kataluniako Gobernuko presidenteordeak libre utz dezatela eskatu du gaur goizean Auzitegi Gorenean, Kataluniako gatazka politikoa “elkarrizketaren bidez” konpondu nahi duen “bake gizona” dela argudiatuta.
ERCko buruzagia joan den azaroaren 2an espetxeratu zuten, matxinada, sedizioa eta diru publikoa bidegabe erabili izana leporatuta.
Junquerasek indarkeria arbuiatzen duela eta bide politikoak eta baketsuak defendatzen dituela aldarrikatu du epaileen aurrean. Hori dela eta, aske uzteko eskatu du, abenduaren 21eko hauteskundeetan lortutako diputatu karguan aritu ahal izateko.
Fiskaltzak eta herri-akusazioak (Vox alderdi ultraeskuindarra) Junqueras libre uztearen kontra azaldu dira, urriaren 1eko erreferenduma eta urriaren 27ko independentzia aldarrikapena ekarri zituen prozesu soberanistaren “bultzatzailea” dela iritzita.
Areago, Kataluniako Gobernu berriko kide izendatuz gero ere, Junquerasek behin-behineko espetxealdian segitu beharko lukeela esan dute.
Miguel Colmenero, Francisco Monterde eta Alberto Jorge Auzitegi Goreneko epaileek aztertuko dute Junquerasen kasua. Datozen egunetan hartuko dute erabaki bat.
Carmen Lamela Auzitegi Nazionaleko epaileak agindu zuen Junqueras kartzelatzea, auzia Gorenaren esku utzi aurretik.
Askatasuna edo Kataluniara hurbiltzea
Bestalde, Andreu Van Den Eynde abokatuak azaldu du Junqueras libre uzteko erabili dituen argudio nagusiak hiru izan direla: deliturik egiteko arriskurik ez dagoela, matxinada deliturik izan ez dela eta indarkeria ekintzetan parte hartu ez duela.
Horrela bada, Junqueras libre uzteko eskatu die epaileei, eta hala egin ezean, gutxienez Kataluniako kartzela batera eraman dezatela.
Erabaki hori, baina, Pablo Llarena instrukzio epaileak hartu beharko luke eta, beraz, harengana joko dute orain. “Behar haina alditan eskatu dugu”, azpimarratu du Van Den Eyndek.
Kataluniako Parlamentua urtarrilaren 17an eratuko da eta Generalitateko presidente berriaren inbestidura-ekitaldia otsaila hasieran izango da. Junquerasek bi saio horietan egoten ahaleginduko da defentsa.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.