Milaka lagunek sakabanaketarekin amaitzeko eskatu dute Bilbon
Milaka lagunek hartu dute parte Bilbon, Sare plataforma herritarrak sakabanaketaren aurka eta presoen zein euren senideen eskubideen alde deitutako manifestazioan. Besteak beste, Sorturen, EH Bilduren, ELA eta LAB sindikatuen, zein Euskal Herriko Apaizen Koordinadoraren atxikimentua izan du manifestazioak.
"Elkarrekin aurrera egiteko prest gaude. Giza eskubideak, konponbidea, bakea" lelopean 95.000 lagun bildu dira Sareren esanetan, eta 70.000 lagun Bilboko Udaltzaingoaren arabera. Presoen eskubideen alde urtero urtarril hasieran egiten den manifestazioaren amaieran, Kike Amonarriz ETBko aurkezleak eta Beatriz Talegon PSOEko Komite Federaleko kide ohiak manifestua irakurri dute, Bilboko udaletxe aurrean.
Manifestazioaren buruan, pankartari helduz joan dira Talegon bera, Nahikari Otaegi preso ohia (haur txiki batekin sartu zen kartzelan), Peru del Hoyo iaz kartzelan hil zen Kepa del Hoyo presoaren semea; Asun Lasa, Jose Antonio Lasa GALeko biktimaren arreba, Iñaki Lasagabaster EHUko katedraduna, Anais Funosas Bake Bidea ekimeneko kidea eta Kirmen Uribe idazlea.
Eurekin izan dira Xavi Sanchez, Jordi Sanchez ANCko presidente kartzelaratuaren anaia, Jerome Glizes Parisko Udaleko Berdeen zinegotzia eta Ramon Zallo EHUko katedraduna ere.
Manifestarien artean izan dira, besteak beste, Arnaldo Otegi EH Bilduko koordinatzaile orokorra, Maddalen Iriarte, Iker Casanova eta Pello Urizar legebiltzarkideak, Joan Tarda ERCren Kongresuko bozeramailea, David Fernandez CUPeko diputatu ohia, Arkaitz Rodriguez Sortuko idazkari nagusia, eta Adolfo Muñoz eta Garbiñe Aranburu ELA zein LABeko idazkari orokorrak.
Podemos Euskadiko ordezkaritza zabala ere izan da manifestazioan, Lander Martinez idazkari nagusia, Andeka Larrea Komunikazio idazkaria eta Nagua Alba diputatua.
La Casillatik udaletxera arteko ibilbidean etengabeak izan dira "Euskal presoak etxera" eta "Presoak kalera, amnistia osoa" gisako leloak.
Manifestazioaren amaieran, ia 100 haur igo dira udaletxeko eskaileretara, "motxilaren umeak" gisa ezagutzen diren presoen seme-alabak, alegia, eta testu bat irakurri dute, eta Maialen Lujanbio txapeldunak bertso batzuk bota ditu.
Sareren agiria
18:45ak aldera manifestazioa Bilboko Udaletxeraino heldu da, eta bertan Kike Amonarriz ETBko kazetariak eta Beatriz Talegon PSOEren Gazteriaren arduradun izandakoak agiria irakurri dute, euskaraz eta gaztelaniaz, hurrenez hurren.
"Bakea, justizia eta konponbidea nahi ditu Euskal Herriak", azpimarratu dute. Gainera, "gorrotoan eta mendekuan oinarritutako espetxe-politika ankerra" salatu dute.
"Eskerrik asko zuen elkartasuna eta konpromisoagatik, alderdi-ideologia alde batera utzita, duintasunaren eta eskubideen defentsa lehenetsi duzuelako. Horrela herrialdea eraikitzen da", adierazi dute. "Ez dugu atzerabiderik. Eta izatekotan, izan dadila indarra hartzeko, presoak etxeratzeko", amaitu dute.
Presoen hurbilketa Frantziako espetxeetatik Euskal Herritik gertukoetara
Ibilbidea hasi aurretik, EHBildu, ELA eta LABeko buruzagiek adierazpenak egin dituzte eta guztiek bat egin dute albiste positiboa dela gaur zabaldu dena: Frantziako Gobernua euskal presoak Euskal Herrira hurbiltzen hasiko dela, alegia.
Arnaldo Otegiren iritziz, "Hegoaldeko euskaldunok lezioa ikasi behar dugu Ipar Euskal Herritik. Alderdi politiko guztiak, Fronte Nazionala izan ezik, gai izan dira ados jartzeko eta interlokuzioa irekitzeko Frantziako Gobernuarekin. Horrek adibide izan behar luke, Hegoaldean ere alderdi politiko eta sindikatu guztiok gai izan beharko genuke ados jartzeko, ziur aski PP izan ezik, xantaiazko espetxe politikarekin amaitzeko eta gure presoen egoera arinduko lukeen bide orria zehazteko" esan du.
Adolfo Muñoz ELA sindikatuko buruak nabarmendu duenez, gaurko albistea Iparraldeko gizarte zibilaren eta kargu instituzionalaren elkarlanaren fruitu da: "Frantziako Gobernuarekin negoziatzeko gai izan dira eta Gobernua hori mugitu egingo da, Espainiak zer egin begira egon beharrean. Hori oso albiste ona da".
Garbiñe Aranburu LABeko buruak ere "Euskal herrian konplizitatean ehuten jarraitzeko" dei egin du, "PPren espetxe politika mugiarazteko".
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.