Roger Torrent (ERC) aukeratu dute Kataluniako Parlamentuko presidente
Roger Torrent (ERC) da Kataluniako Parlamentuko presidente berria. Hautagai errepublikanoa bigarren bozketa batean aukeratu dute, lehenengoan ezein hautagaik —Torrent bera eta Jose Maria Espejo-Saavedra Ciutadanseko hautagai— ez baitu beharrezkoa zen gehiengo osoa lortu (68 boto).
Bigarren bozketan hautagai errepublikanoak eskuratu ditu boto gehien (65); Espejo-Saavedrak (Cs), 56. Catalunya en Comu-Podem koalizioko kideek eta beste taldeko diputatu batek zuri bozkatu dute.
Kataluniako Parlamentuak izan duen presidente gazteena da Torrent (38 urte ditu), demokraziako bederatzigarrena eta ERC alderdiak duen laugarrena —Heribert Barrera (1980-1984), Ernest Benach (2003-2010) eta Carme Forcadell (2015-2018)—.
Lehen bozketan ere emaitza bera izan da: 65 diputatuk egin dute Torrenten alde (ziurrena ERCkoek, JxCATekoek eta CUPekoek), 56k Espejo-Saavedra babestu dute (itxura guztien arabera, Ciutadansekoek, PPkoek eta PSCkoek) eta Catalunya en Comu-Podemeko zortziek eta beste talde bateko batek zuri bozkatu dute. Bozketa sekretua da.
Bozketan zehar, ganberan falta ziren zortzi hautetsien izenak (hiru preso daude, eta beste bostak, Bruselan) entzutean txalo egin dute diputatu independentistek. Horrez gain, JxCAT eta ERC alderdiek xingola horiak (elkartasun sinbolo bilakatu da) jarri dituzte falta ziren diputatuen eserlekuetan.
Marta Rovira (ERC), xingola horiekin apaindutako eserlekuen artean. Argazkia: EFE
Kataluniako erakundeak lehenagoratzeko deia egin du Torrentek
"Lehen baino lehen" Kataluniako erakundeak "lehengo egoerara ekartzeko" lan egiteko deia egin du Torrentek bere lehen hitzaldian. Halaber, 155. artikuluaren harira, "erakundeen esku-hartzeari" berehala amaiera emateko eskatu du. Legealdi honetan "politika gai guztien erdigunean" egoteko "lan nekaezina" egingo duela esan du Kataluniako Parlamentuko presidente berriak.
Torrentek espetxe prebentiboan dauden hiru diputatuak gogoratu ditu, baita Bruselan dauden bostak ere. Era berean, Carme Forcadell aurreko Ganbarako presidentearentzat esker oneko hitzak izan ditu.
Honako esaldiarekin bukatu du presidente berriak bere hitzaldia: "Visca la democràcia i visca Catalunya" (Gora demokrazia eta gora Katalunia); ondoren, "Llibertat" oihuak entzun dira diputatu independentisten aldetik.
Parlamentuko Mahai berria, osatu berritan. Argazkia: EFE
Boto delegatua
Preso dauden hiru diputatuek —Oriol Junqueras, Jordi Sanchez eta Joaquim Forn— euren botoa Marta Roviraren (ERC) eta Jordi Turullen (JxCAT) bitartez ematea eskatu dute. Puigdemont presidenteak eta horrekin batera Bruselan diren lau diputatuek, ordea, uko egin diote boto delegatuaren aukerari.
Kataluniako Parlamentua osatzeko saioa Adineko Mahaia eratuta abiatu da. Mahaia horri dagokio saioa zuzentzea eta sor daitezkeen auzien inguruan erabakitzea. Hori horrela, boto delegatuak baimentzea ebatzi du Ernest Maragall (ERC) buru izan duen erakundeak.
Erabaki horren kontra egin du Ines Arrimadas Ciutadanseko buruak, araudiak baimentzen ez duela argudiatuta (boto delegatua amatasun/aitatasun, gaixotasun larri edota ezgaitasun luze baten kasuetan du aurreikusia ganberako araudiak). PPk ere aurka egin du, baina, Ciutadansek ez bezala, ez dio Mahaiari erabakia berriz hartzeko eskatu. PSCk Mahaiaren erabakia babestu du.
Mahaiaren presidenteorde eta idazkariak
Presidentea aukeratuta, Mahaiaren gainerako kideak aukeratu dituzte. Josep Costa (JxCat) presidenteorde lehena izango da eta Jose Maria Espejo-Saavedra (Cs), presidenteorde bigarrena. Honakoak izango dira idazkariak: Eusebi Campdepedros (JxCat), David Perez (PSC), Joan Garcia (Cs) eta Alba Verges (ERC).
Elisenda Catalunya en Comu-Podemeko diputatuak deitoratu duenez, Parlamentuko Mahai berrian emakume bakarra izango da. "Mahai honek ez du herri honen aniztasuna islatzen", salatu du txalo artean.
Zure interesekoa izan daiteke
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.