Puigdemontek botoa delegatzeko eskaera erretiratu du
Ezustekoa izan da Kataluniako Parlamentuan. Junts per Catalunya (JxCat) alderdiak erretiratu egin du Carles Puigdemont zerrendaburu eta Generalitateko presidenterako hautagaiaren botoa delegatzeko eskaera. Bruselan dagoenez, inbestidura saioan botoa beste diputatu baten esku uzteko asmoa ei zuen Puigdemontek. Kataluniako Parlamentuko Mahaiari dagokio botoa delegatzeko eskaerak onartzea, eta gaur bilera izan du hori aztertzeko, baina erabakia atzeratu egin du azkenean.
Ganberako abokatuek egindako txosten baten arabera, Parlamentuko araudiak ez du jasotzen kasu horietan botoa delegatzeko aukera, baina formula hori baimentzeko azken erabakia Parlamentuko Mahaiak du. JxCat eta ERC alderdiek gehiengoa dute erakunde horretan (Mahaiko zazpi kideetako lau independentistak dira).
Botoa delegatzeko gainerako eskariak gorabehera, Puigdemontek berea erretiratu izanak Kataluniara itzultzeko aukera berpiztu du.
Alderdiko iturriek azaldu dutenez, ordea, aukera guztiak dira posible; Puigdemont inbestidura saiorako Kataluniara bueltatzea eta Bruselan egonda ere presidente izendatzea. Izan ere, horren alderdiaren esanetan, edozein unetan erregistratu ahal dute boto delegatuaren eskaria gai-ordenan.
Puigdemonten itzulera saihesteko neurriak
Azken unera arte, beraz, ez da argituko zer gerta daitekeen Kataluniako Parlamentuan. Oposizioko taldeek, segurtasun indarrek eta Espainiako Justiziak uste zuten Puigdemontek Bruselan jarraituko zuela, eta mugimendu horrek areagotu egin du suspensea.
Juan Ignacio Zoido Espainiako Barne ministroak iragarri duenez, presidentearen itzulera saihesteko neurriak hartu dituzte: "Saiatuko gara maletategi batean ezkutatuta ere ez sartzea".
JxCat eta ERCko lau diputatu haien aulkiei uko egitea aztertzen ari dira
Bestalde, Clara Ponsati eta Lluis Puig Junts per Catalunyako (JxCat) diputatuek eta Anconi Comin eta Meritxell Serret ERCko parlamentariek, guztiak Belgikan, datozen orduetan haien aulkiari uko egitea aztertzen ari dira, horrela gehiengo absolutu independentista blokeatzeko.
a blokeatzeko.Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.