Torrent, 'erakundeak 155.aren eskuetatik berreskuratzea'ren alde
Roger Torrent Kataluniako Parlamentuko presidenteak asteazken honetan Carles Puigdemont (JxCAT) presidentegaiari esan dio "herrialdeari komeni zaiona ahalik eta lasterren Generalitate posiblea eta eraginkorra" izatea dela, eta horretarako "lan egingo" duela.
Torrent Puigdemontekin eta Bruselan dauden gainerako kontseilari ohiekin bildu da Europako Aliantza Liberalaren (ALE) egoitzan, Espainiako Gobernuak Generalitateak Belgikako hiriburuan duen bulegoa ixtea agindu ostean, izan ere, hasiera batean bertan egin behar zuten bilera.
"Lehen minututik lan egin ahal dezakeen Generalitatea behar dugu", adierazi du Kataluniako Parlamentuko presidenteak (ERC), eta "erakundeak 155.aren eskuetatik berreskuratu behar" direla nabarmendu du.
"Mariano Rajoyren Gobernuarekin elkarrizketan aritzeko nahiaren aurrean, ez dugu ezetza bakarrik jaso, baizik eta ez digu bilera egiten utzi", deitoratu du Torrentek. Halaber, debeku horrekin "Puigdemonten eta kontseilarien oinarrizko eskubideak hausten" direla esan du, "ez Espainiako legezkotasunaren testuinguruan soilik, baita Belgikako legezko markoan ere".
Kataluniako Parlamentuko presidenteak esan du ganberako zerbitzu juridikoak legezko akzioak aztertzen ari direla dagoeneko, Generalitateak Bruselan duen bulegoan bildu ezin ezinaren kontra. Egoera "oso larritzat" jo du.
Puigdemonten adierazpenak
Bestalde, Carles Puigdemont presidentegaiak esan du hautetsontzietako mandatua, abenduaren 21etako hauteskunde autonomikoetatik ateratakoa, bera Kataluniako presidente izatea dela, eta inbestidura-saioa "presentziala" izatea dela "onena" azaldu du.
Halaber, Puigdemontek Torrenteri esan dio urtarrilaren 30ean izango den inbestidura-saioan fisikoki egoteko "aukera asko" daudela, eta "azken unera arte" lan egingo duela bertan presentzialki parte hartzeko.
"Inbestidurarik onena presentziala da, hori da guztiok nahi duguna, eta hori izateko baldintzek egon beharko lukete, baina badira beste bide batzuk, eta oraingoz ezin da bat bera ere baztertu", azpimarratu du.
Egoitza aldaketa
Roger Torrent Kataluniako Parlamentuko presidentea eta Carles Puigdeont (JxCAT) presidentegatia Europako Aliantza Librea (EFA) alderdi nazionalisten eta independestisten elkartearen egoitzan bildu dira, Espainiako Gobernuak Generalitateak Bruselan duen bulegoan "presidente ohia" sartzea debekatzeko agindu ostean.
Halaber, Kanpo arazoetako Ministerioak goiz honetan bileraren osterako aurreikusita zegoen prentsaurrekoa bertan behera uzteko argibideak eman ditu.
Mariano Rajoy Espainiako presidenteak, bere aldetik, behin eta berriz esan du Puigdemont presidente izendatzea eragotziko dutela "nola edo hala". Kataluniako Parlamentuak Puigdemonten inbestidura ahalbidetzeko ekinbide administratiboren bat abian jarriz gero, Espainiak "berehala" joko du Auzitegi Konstituzionalera, Rajoyk ziurtatu duenez.
Zure interesekoa izan daiteke
Hauteslekuak zabaldu dituzte Aragoin
Guztira 1.036 325 herritarrek dute boto eskubidea. Igande honetako hauteskundeek Aragoiko Gorteetako osaera berria zehaztuko dute.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta 1,03 milioi pertsonak dute botoa emateko eskubidea. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.