Llarenak Kataluniako Parlamentura joatea ukatu die Junqueras, Forn eta Sanchezi
Pablo Llarena Auzitegi Goreneko magistratuak, Kataluniako prozesuaren auzia ikertzen duenak, Oriol Junqueras Kataluniako presidente ohiari, Joaquim Forn Barne kontseilari ohiari eta Jordi Sanchez ANCko buruzagi ohiari berriro ere esan die ez dutela Kataluniako Parlamentuan asteartean izango den inbestidura saiora sartzeko baimenik, baina botoa delegatu dezaketela.
Forn eta Sanchezen abokatuek (Junquerasek ere bat egin zuen) aurkeztutako helegitea errefusatu du magistratuak auto batean, urtarrilaren 12an Kataluniako ganbera eraikitzeko saiora joatea galarazi izanaren kontra. Ebazpenean Fornez hitz egiten badu ere, azken honek aulkiari uko egin zion lehengo astean, beraz, erabakiak ez du eraginik haren kasuan.
Halaber, haien jokaera soziala eta politikoa eskatzen duten baimenarekin "bateraezina" dela azaldu die, helegitearen gaitzespena justifikatuz. Delituzko ekintzak errepikatzeko arriskua ere badagoela esan du, eta, honenbestez, eskatutako baimenik ezin dutela lortu.
Beraz, epaileak Junqueras eta Sanchez Kataluniako Parlamentuan izatea errefusatu du, "bidegabeki dauzkaten" ordezkaritza funtzioak mantentzen dituztelako, eta "gure bizikidetzaren legezko testuingurutik indarkeriazko mobilizazioekin manifestatzera itzultzeko balizko lidergoagatik".
Junquerasek botoa delegatzea eskatu du
Oriol Junqueras ERCko presidenteak legezko egin du astearte honetako inbestidura saioan botoa delegatu ahal izateko eskaera Kataluniako Parlamentuan, Sergi Sabria alderdiko bozeramaileak emandako prentsaurrekoan azaldu duenez.
Junqueras Estremerako kartzelan da iazko azaroaren 2tik, eta ganbera eratzeko urtarrilaren 17ko saiorako ere ordezkaritza eskatu zuen: Mahaiak baimendu egin zuen, eta Espainiako Gobernuak aurkatzeari uko egin zion.
Ganberako abokatuen txosten baten ustez, Araudiaren aurkakoa da Belgikan dauden auzipetutako diputatuek edota kartzelan daudenek botoa delegatzea, baina erabakia Kataluniako Parlamentuko mahaiak hartu behar du; asteartean hartuko du erabakia.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.