Puigdemontek babesa eskatu dio Torrenti inbestidura saioan egoteko
Carles Puigdemontek, Junts per Catalunyak Generalitateko presidente izateko aurkeztutako hautagaiak, babesa eskatu dio Roger Torrent Parlamenteko presidenteari, biharko deitutako inbestidura saioan parte hartu ahal izateko.
"Diputatu eta Generalitateko hautagai izatea eta bereziki inbestidura-saiora joatea oztopatzeko Espainiako Gobernua burutzen ari den jarduera judizialak kontuan izanik", babesa eskatzea erabaki du, "Parlamentuaren eskubideak eta eskumenak bermatzeko beharrezkoak diren neurriak har daitezen".
Ez atxilotzea
Batetik, osoko-bilkurako eztabaidetara eta bozketetara joateko eskubidea aldarrikatu du. Bestetik, Kataluniako Estatutak eta Parlamentuko araudiaren arabera, immunitatea duela argudiatu du, "delitua oso nabarmena ez den kasuetan".
ERCk inbestidura bilkura eta Puigdemonti emandako babesa mantendu ditu: "Ezin dugu presioen aurrean etsi"
Sergi Sabrià ERCko bozeramaileak baieztatu duenaren arabera, biharko inbestidura saioa mantentzearen alde daude errepublikarrak, eta Carles Puigdemont JxCateko hautagaia babesten jarraitzen dute: "Ezin dugu kanpotik iristen diren presioen aurrean amore eman".
Alderdiko zuzendaritzarekin bildu eta gero emandako prentsaurrekoan, ez du zehaztu saioa egin beharko litzatekeen ala ez Puigdemont ez bada joaten. Bestalde, Auzitegi Konstituzionalak larunbatean hartutako erabakia kritikatu du: "Tinko jarraitu behar dugu. Auzitegi Konstituzionalaren bitartekaritza negargarria da. Alde guztietako juristek eman dute gaiaren inguruko iritzia".
ERCko diputatuak inbestidura saiora joango direla azaldu du Sabriàk, hauteskundeetako emaitzak Puigdemonten inbestidura bermatzen duela defendatzeaz gain: "ERCko diputatuak han egongo dira, eta irtenbide onena aurkitu behar dugu i
Zure interesekoa izan daiteke
Hitz gogorrak izan dituzte Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta hark erantzun dio alderdiaren sortzailea "torturatu eta erbesteratu zuen diktadurako gobernuaren" parte zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".