ETAren materiala identifikatzeko laguntza eskaini du Ertzaintzak
Ertzaintza Frantziako Gobernuak Espainiari entregatu berri dion ETAren materiala identifikatzeko lanetan laguntzeko prest dagoela azaldu du gaur Estefania Beltran de Heredia Eusko Jaurlaritzako Segurtasun sailburuak.
Barne Ministerioaren hitzetan, azken 20 urteetan Frantzian ETAri atzeman dizkioten agiriek, armek eta materialak judizialki oraindik argitu barik dauden krimenen ikerketa bultzatuko dute.
“Armamentu horren identifikazio lanetan eta arma horiek erabili diren erasoen inguruko ikerketan, eskura duen informazioarekin, laguntzeko prest dago Ertzaintza”, adierazi du Segurtasun sailburuak.
Bilbon emandako prentsaurrekoan, Gobernu zentralak Ertzaintzaren laguntza eskatu ote duen galdetu diote kazetariek Beltran de Herediari. “Ertzaintzaren esku-hartzerik ez dute eskatu oraingoz”, erantzun du sailburuak.
Albiste gehiago politika
Adifeko presidente ohiak eta Errepideetako zuzendari ohiak deklaratuko dute gaur, lan publikoen esleipenetan iruzur egitea egotzita
Auzitegi Nazionaleko "Koldo auziko" epaileak inputatu gisa deklarazioa hartuko die, astelehen honetan, Javier Herrero eta Isabel Pardo de Verari.
Garzonek Sumarren eta Podemosen arteko batasuna eskatu du, ultraeskuina geldiarazteko
Alberto Garzon Espainiako Kontsumo ministro ohiak ohartarazi du beharrezkoa dela Sumar eta Podemos elkarrekin joatea datozen hauteskundeetan, edo gutxienez elkarlanerako puntuak aurkitzeko gai izatea; bestela, etorkizuneko Espainiako Gobernua ultraeskuinaren esku geldituko dela esan du.
Martinezek dio Eusko Jaurlaritza "erabat oker" dagoela Sumar langabeziaren transferentziaren oztopatzeaz seinalatzean
Radio Euskadin egindako elkarrizketa batean, Lander Martinez Sumarreko Bizkaiko legebiltzarkideak esan du bere alderdiak ez duela inoiz "blokeorik edo oztoporik planteatu" Gizarte Segurantzaren transferentzietan aurrera egiteko, eta EAJ eta PSE-EE "oker" daudela adierazi du. Hala, Eusko Jaurlaritza osatzen duten alderdiei eskatu die azal dezatela zergatik leporatzen dioten Sumarri Euskal Autonomia Erkidegoaren langabezia-prestazioen eskualdatzea geldiaraztea.
Montororen abokatu-bulegoak dirua desbideratzeko "sozietate sare" bat sortu ote zuen ikertzen ari da epailea
Mossoek 2019an egindako txosten baten arabera, Equipo Economicok 3,9 milioi euro fakturatu zizkion Abengoa taldeari, ia 300 000 euro Ferroviali, eta 1,8 milioi euro Madrid Networki. Gainera, politikari eta pertsona ezagunei buruzko (Rato, Pujol, Rafa Nadal, Esperanza Aguirre..) Zerga Agentziaren datu babestuak lortu omen zituen Montorok.
Albaresek "geroratze-taktikak" ikusten ditu EBn euskararen ofizialtasunari buruzko erabakia berriro atzeratzean
"Hori eragotz dezakeen argudio teknikorik ez dagoela jakinda, atzean arrazoi politikoak ez ote diren galdetzen hasi naiz, baina lehenago edo geroago, inolako zalantzarik gabe, gaindituko ditugu", adierazi du Atzerri ministroak Radio Euskadin egindako elkarrizketan.
Tortura delituaren definizioa nazioarteko estandarretara egokitzeko eskatu dio NBEko Giza Eskubideen Batzordeak Espainiako Estatuari
Alde horretatik, Batzordeak mekanismo independente bat eratzea eskatu du, segurtasun-indarren tortura- eta tratu txar-salaketa guztiak ikertzeko, eta deitoratu du delitu horrek 15 urterekin preskribatzea.
Busturialdea-Urdaibai eskualdeak 303,4 milioi euroko inbertsioa jasoko du
Eskualdeko ekonomia-, gizarte- eta hiri-garapena sustatzen duten hainbat proiektu garatuko dira. Autzagane-Muxika errepidea hobetzea eta Bermeoren eta Muxikaren arteko bidegorri-sarea handitzea dira horietako batzuk.
Ibone Bengoetxea: "Europa ezin da eraiki bere aniztasuna ukatuz"
Ibone Bengoetxea lehendakariorde eta Kultura eta Hizkuntza Politikako sailburuak azpimarratu du euskara hizkuntza bizia dela, euskal herritarrena eta Europako ondarearen zati bat, eta gogorarazi du Europa ezin dela eraiki bere aniztasuna ukatuz. Hala, berretsi du Europan euskararen ofizialtasuna lortzeko Jaurlaritzak esparru guztietan lan egiten jarraitzeko borondate irmoa duela, eta inplikatutako erakunde guztien ahalegin diplomatikoa eskertu du.
Europar Batasuneko herrialdeek katalanaren, euskararen eta galizieraren ofizialtasunari buruzko bozketa atzeratu dute
Hainbat herrialdek adierazi dutenez, "oraindik ez da une egokia" hizkuntzen ofizialtasuna onartzeko, eta alderdi politiko, ekonomiko eta juridikoei buruzko zehaztasun gehiago eskatu dute.
Burgos-Gasteiz abiadura handiko trenaren aurreneko zatiaren eraikuntza esleitu dute
Azpiegitura horrek abiadura handiko sarearekin eta Atlantikoko korridorearekin lotuko du Euskal Autonomia Erkidegoa (EAE). Halaber, Arkauteko lotunea eraikitzeko proiektuaren idazketa esleitu da ere bai.