Hauteskundeetarako atzerako kontaketa ez da hasi, Parlamentuko abokatuen arabera
Kataluniako Parlamentuko abokatuen arabera, hauteskundeak berriro deitu arteko bi hilabeteko epea ez da oraindik hasi, behintzat Auzitegi Konstituzionalak inbestidurari buruzko ebazpena eman arte, eta Roger Torrent Parlamentuko presidentearen esku utzi dute epe hori indarrean sartzea, blokeo-egoera luzatuz gero. Hala dio abokatuen txosten batek.
Testuan, Parlamentuko idazkari nagusi Xavier Muroren sinadura besterik ez da agertzen, Ganberako letradu nagusi Antoni Bayonak ez duelako txostenean parte hartu; izan ere, azken egunotan desadostasunak izan dira, abokatuen artean, txostenak izan behar zuen edukiaren gainean.
Zerbitzu juridikoek argitaratutako agiriaren arabera, inbestidura-saioaren atzerapena "ez da gertatu erabakitako nahi baten ondorioz, baizik eta Kataluniako Parlamentua ez den erakunde baten erabakiaren ondorioz"; kasu honetan, Auzitegi Konstituzionalak hartutako erabakiak eragin du atzerapena (Espainiako Gobernuaren eskaerari egin zion men Gorenak).
Hortaz, jarraitzen du txostenak, "Gobernuak aurkeztutako helegitearen gaineko erabakirik ez dagoen bitartean, ulertzeko modukoa da bertan behera geratu dela bilkurarako aurkeztu arteko 10 eguneko epea; hori, behintzat, Auzitegi Gorenak ebazpena eman arte, hau da, Estatuko Gobernuaren helegitea onartuko duten ala ez erabaki arte".
Puigdemonten hautagaitzari eragingo lioke
Abokatuen iritziz, Konstituzionalaren erabakiak eragina izan lezake Carles Puigdemonten hautagaitzaren bideragarritasunean, ikuspegi juridikotik, eta, horregatik, "itxaron behar da, ebazpenaren edukia eta horren xehetasunak aztertu arte, ondorioak balioztatzeko".
Abokatuek diotenez, estatutu-xedapenak eta legezko xedapenak kontuan izanik, ez dago ondorioztatzerik Parlamentuaren aurreratutako desegiterik gauzatu behar denik, nahiz eta 10 egun igaro diren eta hautagairik aurkeztu ez duten.
Torrenten esku utzi dute abokatuek, bestalde, bi hilabeteko erlojua martxan jartzea ala ez, presidente berria hautatzeko blokeo instituzionaleko egoera luzatuko balitz.
Erabaki horrek, baina, ez luke ondoriorik izango Torrentek duen beste eskumen batean, alegia, "talde politikoekin kontsulta-sorta berri bat" egiteko gaitasunean, proposamen berriak zehazteko. Hala nabarmendu dute abokatuek.
Hala ere, azpimarratzen dutenez, Torrentek ez balu bultzatuko ekitaldia (arrakastarik gabeko bozketa baten baliokidea izango litzateke ekitaldi hori), "justifikaziorik ez balego, eta arrazoizko epea igarota", parlamentu-taldeek bultzatu ahal izango lukete, beharrezko baliabideak erabiliz.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.