Inbestidura saioaren inguruko osoko bilkura martxoaren 1erako deitu du Torrentek
Lau proposamen eztabaidatzeko saioa martxoaren 1erako deitu du Roger Torrent Parlamenteko presidenteak, horietako hiru inbestiduraren blokeoa jorratzeko , eta laugarrena Carles Puigdemont presidentarengan “konfiantza berresteko”.
Parlamentako presidentaren inguruko iturriek jakitera eman dutenez, osoko bilkura martxoaren 1ean egingo dute, 10:00etan. Ganberako Mahaiak eta Bozeramaileen Batzordeak saioa egiteko baimena eman dute, baina horretarako datarik zehaztu gabe.
Lau proposamenak elkarren segidan eztabaidatuko dituzte, Parlementeko erregistroan aurkezteko orduan izandako hurrenkeran; aurrena Comuren ekimena izango da, ondoren PSCrena eta JxCatena, eta azkena Ciudadanosena.
Alderdi bakoitzak 15 minutu izango ditu bere proposamena azaltzeko, eta ondoren, ekimenik aurkeztu ez duten talde politikoek 7 minutu eta erdiko txanda izango dute, argudioak emateko.
Lau proposamen
Bozkatuko den azken proposamena JxCatek gaur aurkeztutakoa izango da, Carles Puigdemont “Generalitateko presidentearengan konfiantza berresteko”. Konstituzioaren 155. artikulua aplikatu eta Governa kargugabetu ondoren, Presidentetza “berrezartzeko” garaia dela uste du JxCatek.
Ciudadanosen ekimena, ordea, Kataluniako “egoera eta krisi politikoaren blokeoa” eztabaidatzeko izango da.
Bestalde, “autogobernua, Parlamentaren subiranotasuna eta desblokeoa” mahai gainean jarri nahi ditu Catalunya En Comu-Podemek.
Generalitateko presidentearen inbestidurarako bi hilabeteko epeari hasiera ematea eskatu du PSC-Unitsek bere proposamenean. Era berean, “aldebakarreko edozein proposamen” atzera botatzea aldarrikatu du.
PPCk bosgarren proposamen bat aurkeztu du beranduago, baina ez da saioren gai-zerrendan sartu. Hala ere, osoko bilkura egin baino lehen gai-zerrendan sartzea espero da.
Zure interesekoa izan daiteke
Aragoin parte-hartzea % 40,26koa izan da 14:00etarako
2023ko bozetan izandako datuaren oso antzekoa da, % 0,06 hazi baita. Zortzi hautagaiek eman dute botoa jada, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.