JxCat, ERC eta CUPek negoziatzen jarraitzen dute Gobernua osatzeko
Junts per Catalunya (JxCat), ERC eta CUP alderdiek Kataluniako Gobernua osatzeko aurrerapauso nabarmenak eman dituzte azken orduetan, eta Parlamentuan ostegunean egingo den osoko bilkuraren aurretik lortu nahiko lukete akordioa hiru aldeek. Hala ere, oraindik badira askatu gabeko hainbat korapilo: presidente nor izango den eta Carles Puigdemontek zein rol izango duen.
Generalitateko presidenteari begira, Jordi Sanchez JxCat zerrendako bigarrena eta Kataluniako Asanblea Nazionaleko (ANC) presidente ohi denaren hautagaitzak hartu du indarra azken egunetan. Urriaren 16az geroztik espetxean dago.
Atzo Kataluniako Parlamentuan elkartu ziren hiru aldeak, negoziatzeko. Goizean lehen bilera egin ondoren, arratsaldean hiru orduko batzarra izan zuten. Negoziazioko iturriek azaldu dutenez, bilera "positiboa" izan zen eta hainbat puntutan urratsak egitea lortu zuten. Hala ere, Generalitateko presidente berriaren inbestidura, Gobernu berriaren osaketa eta datozen urteetarako bide-orria adostu behar dute oraindik eta horri begira zirriborroak trukatu zituzten hiru alderdien artean.
"Akordioa konplexua da, baina baikorrak gara", esan zuen JxCateko buruzagi batek. ERCko iturrien esanetan, oraindik desadostasunak dituzte hainbat puntutan, tartean, prozesu konstituziogilearen inguruan. JxCatek Bruselatik gidatu nahi du prozesua; ERCk, ez. Horrez gain, prozesu konstituziogilearen ikuspuntuari dagokionez ere iritzi ezberdinak dituzte. ERCk uste du hezkuntza ereduari, osasun sistemari edota segurtasunari buruzko eztabaidak Kataluniatik egin behar direla eta erakundeek, herritarrek eta gizarte zibilak parte hartu behar dutela. CUPek ere prozesua Katalunian gauzatu behar dela iritzi dio, baldin eta bertan erakundeek eta eragile sozialek parte hartzea nahi bada.
Bestalde, JxCatek Carles Puigdemonten zilegitasuna aitortzea nahi du eta alde guztientzat onargarria izango den formula bat aurkitu nahian dabiltza hiru aldeak. Gai hori buruzko akordioa ere osteguneko osoko bilkura baino lehen lortu nahi dute egun horretan bertan onartua izan dadin.
Hiru alderdietako iturriek azaldu dutenez, CUP negoziazioaren azken fasera gehitu da, hots, gobernu plana eta bide orria negoziatzen ari direnean.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.