Jordi Sanchez presidentegai berriro, Puigdemotek eta Turullek uko egin ondoren
“Kataluniako Generalitatearen presidentegai izateko Jordi Sanchez diputatuaren eskubidea babestea” eskatu die gaur Carles Puigdemont president kargugabetuak alderdikideei gutun batean.
Era berean, Jordi Turull kontseilari kargugabetuak inbestidurari uko egin dio, eta berriro presidentegai izatea onartu du Jordi Sanchez JxCateko bigarrenak, Puigdemontek proposatu bezala.
Turull badaezpadako espetxean dago. Roger Torrent Parlamenteko presidenteari gutun bat bidali dio bere erabakiaren berri emateko. Era berean, Sanchez preso dago, eta gutun bat bidali die talde parlamentarioko kideei. Bere inbestidura proposatzea “juridikoki bidezko erabakia eta politikoki beharrezkoa” dela azaldu die Sanchezek.
Bere gutunean, NBEko Giza Eskubideen Batzordeak Sanchezen inguruan esandakoa inbestidurarako berme bat dela defendatu du Puigdemontek: “Inbestidura aurrera eramatea justizia ekintza bat da, Espainiako Estatuaren botereek egindako kaltea konpontzeko”.
Gutuna Neumunsterreko (Alemania) kartzelatik bidali du president kargugabetuak. Buruzagia bertan preso dago, Alemaniako Justiziak datozen asteetan Espainiaratu ala ez erabakitzeko zain.
Horrela, Jordi Sanchezen inbestidura baimentzeko eskatu dio Junts per Catalunyako (JxCat) buruzagiak Estatuari, “eskubide politikoen” defentsan NBEko Giza Eskubideen Batzordeak planteatutako “neurriak” jarraikiz.
Bestalde, Puigdemontek bere botoa beste diputatu baten eskuetan utzi ahal izatea berretsi du Parlamenteko Mahaiak. Ondorioz, erabakia ostegun honetako osoko bilkuran aplikatuko da.
Kataluniako presidentak botoa delegatu ahal izatea onartu zuen Mahaiak asteartean, baina Ciudadanosek, PSCk eta PPk helegiteak aurkeztu zituzten, afera berriro aztertzeko eskatuz.
Saioa hasi baino lehen Mahaia bildu da. JxCatek eta ERCk osatzen duten gehiagoak helegiteak atzera bota eta Puigdemonten boto delegatua onartu dute.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.