Torrentek bilera erronda berria hasi du inbestidurarako hautagaia proposatzeko
Roger Torrent Kataluniako Parlamentuko presidenteak alderdi politikoekin bilera erronda berria abiatu du ostiral honetan telefonoz, inbestidurarako hautagaia proposatzeko. Hala jakinarazi dute Parlamentuko iturriek. Ezustekorik ezean, Jordi Sanchezen izena egongo da mahai gainean. Dena den, CUPek gaur argi eta garbi utzi du ez duela Carles Puigdemont ez den beste hautagairik babestea aurreikusten.
Aste honetan, ordura arte Generalitateko presidente izateko hautagai zen Jordi Turullek inbestidurari uko egin zion eta Junts per Catalunyak (JxCat) Jordi Sanchez presidentegai proposatu zuen, Puigdemontek aurrez gutun baten bitartez egin bezala. Jordi Sanchez behin-behineko espetxealdian dago pasa den urriaren 16az geroztik.
Kataluniako Parlamentuko iturriek azaldu dutenez, telefono bidezko bilera erronda izango da. Izan ere, Torrentek gaur bertan proposatu nahi du laster egingo den inbestidurarako hautagaia.
Orain arte eta azken orduko aldaketarik ezean, mahai gainean dagoen izena Jordi Sanchezena da.
Hala ere, Jordi Sanchezen aukera ez da aukera erraza. Kartzelan dago eta Auzitegi Konstituzionalak esana du presidente izendatzeko ezinbestekoa dela hautagaia inbestidura saiora agertzea. Nazio Batuen Erakundeko Giza Eskubideen Batzordeak Jordi Sanchezen aldeko ebazpena argitaratu ostean, ordea, egoera aldatu dela uste du JxCatek. Hori dela eta, behin-behinean libre geldituta edo baimen bat baliatuta Sanchez parlamentura joan daitekeela uste du talde parlamentarioak.
Alemaniako justiziak Puigdemont aske utziko zuela jakin aurretik hartu zuen JxCatek Sanchez hautagai gisa proposatzeko erabakia. Ildo berean, Puigdemontek gutuna bidali zien bere taldeko diputatuei Sanchezen aldeko apustua egin zezatela eskatuz.
CUPek Puigdemont soilik babestuko du
Carles Riera CUPeko diputatuak prentsaurrean adierazi duenez, Carles Puigdemont hautagaiaren inbestidura babestea dute buruan "Estatuaren kontrako eraso demokratikoa" delako. Hautagaia Jordi Sanchez balitz, ostera, CUPeko lau diputatuek abstentziora joko lukete. Rieraren hitzetan, Sanchezen hautagaitza Espainiako marko juridiko-politikora egokitzen da.
Rieraren hitzetan, Alemaniak Puigdemont aske utzi izanak erakusten du errepublika garatzeko bide arrakastatsua desobedientziarena eta auzia nazioartekotzea dela, ez Espainiako araudira egokitzea.
Bestalde, CUPekin adostu gabe inbestidurarako hautagaia proposatzeko bilera erronda bat abiatzea leporatu die Rierak JxCat eta ERCri.
Albiste gehiago politika
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.