Traperok ukatu egin du Mossoak prozesu independentistaren zerbitzura jarri izana
Sedizio eta antolakuntza kriminal delituak egotzita Carmen Lamela Auzitegi Nazionaleko epaileak abiatutako auzipetze-autoaren aurkako helegitea jarri du Josep Lluis Trapero Esquadra Mossoen buruzagi ohiak. Ukatu egin du Kataluniako polizia prozesu independentistaren zerbitzura jarri izana, ez Traperok ez poliziaren zuzendaritzak ez zutelako "erreferenduma egiteko planik elkarbanatzen".
Astelehenean Olga Tubau abokatuak jarritako helegitean Traperok nabarmendu duenez, auzian ez dago burujabetza planarekin ados dagoela dioen manifestaziorik, ez publikorik ez pribaturik. "Batetik, ez zuen inoiz adierazpenik egin zentzu horretan; bestetik, berriz, ez zuen inoiz ustezko 'antolakuntza korapilatsu eta hetereogeneo' horretan parte hartu, ezta polizia autonomikoa horretara bultzatu ere", zehaztu dute idatzian.
Hitzordua Auzitegi Nazionalean
Carmen Lamela epaileak gaur jakinarazi dizkie aurrez aurre Josep Lluis Trapero Mossoen buruzagi ohiari eta haren nagusi izandako Pere Solerri eta Cesar Puig Barne idazkari ohiari urriaren 1eko erreferendumagatik egotzitako sedizio eta antolakuntza kriminalarengatik auzipetzea.
08:30erako deitu ditu hirurak. Horrez gain, Teresa Laplana Esquadra Mossoen intendenteak ere joan behar du, Ekonomia Kontseilaritzaren aurkako jazarpenagatik baitago auzipetuta. Ikerketa-deklarazioa hartuko die, eta, nahi izanez gero, auzipetzearen inguruan duten jarrera azaldu ahal izango dute ikertuek.
Akusazioak kautelazko neurriak hartzeko bista laburra eska dezake agerraldi horretan, nahiz eta Fiskaltzak ez duen behin-behineko espetxealdirik eskatzeko asmorik.
Gaur Lamelarekin egin duten tramite hori bat dator ondoren Auzitegi Gorenean egingo duenarekin. Izan ere, Llarena epaileak ere gaur eman die Sanchezi, Junquerasi eta Cuixarti auzipetze-autoaren berri.
Auzitegi Nazionalak gertakariak sedizio eta antolakuntza kriminal gisa tipifikatu ditu; Auzitegi Gorenean, berriz, diru publikoa bidegabe erabiltzea eta desobedientzia egotzi dizkiete. Hori dela eta, Pere Solerren defentsak zalantzan jarri du independentzia lortzeko sare kriminala antolatu zutela, Lamela epailearen argudioen kontra.
Solerrek auzipetzearen aurkako helegitean gogoratu duenez, Llarenak baztertu egin zuen Traperoren eta gainerako ikertuen auzia Gorenera eramatea, gertakarien arteko loturarik ez dagoela arrazoituta.
Bestalde, sedizio delitua ukatu du Esquadra Mossoen zuzendari ohiak; izan ere, Mossoen buruari, Traperori, zegokion urriaren 1eko operatiboaren inguruko erabakia hartzea.
Lamela epaileak, ordea, Kataluniako poliziaren zuzendaritza ohiari leporatu dio "urriaren 1ean haien mendeko langileek zereginak alde batera utzi izana", erreferendumaren bozketa ahalbidetu zuen "antolakuntza iruzurtia eta gezurrezkoa" prestatuta.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.