Lamelak Trapero auzipetu du, sedizioa eta erakunde kriminaleko kide izatea egotzita
Josep Lluis Trapero Esquadra Mossoen buruzagi ohia, Pere Soler Kataluniako Poliziaren zuzendari ohia eta Cesar Puig Barne Kontseilaritzako idazkari nagusi ohia auzipetu ditu Carmen Lamela epaileak, sedizioa eta erakunde kriminaleko kide izatea egotzita; Ekonomia Kontseilaritzan eta U-1ean gertatutakoarekin zerikusia dutelakoan.
Auzipetze auto bat igorri du Auzitegi Nazionaleko magistratuak, ahozko epaiketari hasiera emateko aurretiazko pauso bezala. Auto berdinean, Teresa Laplana Mossoen intendentea auzipetu du, baina sedizioa soilik leporatuta.
Auzitaratzearen berri apirilaren 16an emango die Lamelak. Horrela, Ekonomia Kontseilaritzako egoitzaren aurrean, Bartzelonan, irailaren 20an eta 21ean jazo ziren gertakarietan eta urriaren 1eko erreferendumean delitu zantzuak ikusten ditu epaileak.
Traperori, Puigi eta Solerri erakunde kriminaleko kide izatea leporatzen die magistratuak. Sedizio delituaren kasuan, ostera, euren artean ezberdintasun bat ezartzen du epaileak; izan ere, Traperori bi sedizio delitu egotzi dizkio; beste biei, aldiz, bakarra, urriaren 1eko gertakariengatik, alegia.
Lamelaren esanetan, hirurek erakunde antolatua osatzen zuten, “zuzendaritza komun baten menpe, piramidearen gailurrean Carles Puigdemont Kataluniako Generalitatearen presidenta zelarik”. Guztiek urriaren 1eko erreferenduma aurrera eraman eta urriaren 27an independentzia aldarrikatzea zuten helburu, epailearen arabera.
Magistratuaren hitzetan, agintariek ezer ez egiteko agindu zieten mossoei, baita Guardia Zibilaren zein Espainiako Poliziaren ekintzak eta mugimenduak zelatatzea ere.
Gainera, U-1ean mossoek kode propio bat (21 Klabea) erabili zutela azaldu du Lamelak testuan. Horrela, mossoek kanal alternatibo bat erabili omen zuten erreferendum egunean, ohiko bidetik informazioa ez partekatzeko. Horretarako, telefono mugikor partikularrak eta korporatiboak erabili zituzten agenteek, erantsi duenez.
37 orrialdeko autoan, atzemandako komunikazioen edukian lankidetza falta agerian geratzen dela ondorioztatu du epaileak: “Ez ekiteko, ezer ere ez egiteko, ez nahasteko, eskurik ez hartzeko, eta toki seguruan, begira egoteko eta informatzeko bakarrik agindu zieten”.
Magistratuaren ahotan, poliziak eta guardia zibilak zelatatu zituzten mossoek, baita kale-jantzian zeuden poliziak ere.
Zure interesekoa izan daiteke
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
Bilboko aireportuan ere kontrol aleatorioak ezarri dituzte Italiatik datozen bidaiarientzat
Kontrolak goizean egin dituzte Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan gauerdian hasi dira ausazko kontrolak egiten.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.