Jaurlaritza ez da maiatzaren 4an Kanbon egingo den nazioarteko topaketara joango
Josu Erkoreka Eusko Jaurlaritzako bozeramaileak iragarri duenez, Jaurlaritza ez da maiatzaren 4an Kanbon egingo den "Euskal Herriko gatazkaren konponbidean aurrera egiteko Nazioarteko Topaketa" izenekoan egongo. Erkorekaren esanetan, Jaurlaritza ez dator bat Kanboko ekitaldiak izango duen "ikuspuntu politiko eta etikoarekin". Ez dio ETAren amaierari garrantzia kendu nahi izan, baina Eusko Jaurlaritza bertan egoteko baldintzak ez direla bete azpimarratu du. Gainera, desagertzea behin betikoa izateko eta biktima guztiak aintzat hartzeko eskatu dio ETAri.
Gobernu bileraren osteko prentsaurrekoan Josu Erkorekak azaldu duenez, Kanbora ez joateko erabakia Iñigo Urkullu lehendakariak berak hartu du gaurko bileran, eta sailburuen babesa izan du. Jaurlaritzak dagoeneko eman die erabaki horren berri Kanboko ekitaldiaren antolatzaileei (Foro Soziala, Bake Bidea eta Nazioarteko Harreman Taldea).
Erkorekaren hitzetan, Kanbora ez joateko erabakia "behin betikoa da". "Ekitaldiaren edukia eta diseinua itxita daude, ez dira aurrez adostu", azpimarratu du.
Ildo horretan, Eusko Jaurlaritza Kanbon egoteko aurretiazko baldintzak ez direla bete gaineratu du.
Eusko Jaurlaritzak ez dio ETAren behin betiko amaierari garrantzirik kendu nahi izan, baina "Jaurlaritzaren tokia ez dago ekitaldi horretan, beste toki batean baizik", Erkorekaren esanetan.
Jaurlaritzaren ustez, benetan garrantzitsuena ETAren disoluzioa nola egiten den izango da, eszenografia bera baino gehiago.
ETAren azken agiri horri begira, desagertzea argia eta behin betikoa izatea eta biktima guztientzat kontsiderazio etiko bera izatea espero du Jaurlaritzak.
Bestalde, Jaurlaritzak Kanboko ekitaldira ez joateko hartu duen erabakia deitoratu du Agus Hernan Foro Sozial Iraunkorreko bozeramaileak Bartzelonan. Hala ere, EAEko Exekutiboaren erabakiak ezustean harrapatu ez dituela erantsi du.
Erabakiarenganako errespetua azaldu du Hernanek, eta aurreko ekitaldietan Eusko Jaurlaritzak izan duen jarrerari “eustea” suposatzen duela uste du: ETAren armagabetzea 2017ko apirilean, Baionan; eta Donostiako Aiete Jauregian, 2011ko urrian.
EAEko Exekutiboa topaketan ez izatea deitoratu du Foro Sozialeko ordezkariak, “herriaren normalizaziorako eta elkarbizitzarako mugarria izango delako”.
Orain Nafarroako Gobernuak hartuko duen erabakiaren zain daudela esan du Hernanek. Jarrera Gobernu Kontseiluan zehaztuko dutela iragarri du Uxue Barkos Nafarroako presidenteak astearte honetan.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.