Arrimadasek Torrari: 'Iragana ordezkatzen duzu zure nazionalismo baztertzailearekin'
Ines Arrimadas Ciutadans alderdiko liderraren aburuz, Quim Torra JxCeko hautagaiak "iragana ordezkatzen du" XXI. mendeko Europan, "xenofobia" defendatzen duen hitzaldi "identitarioa eta baztertzailea" eskainita. Horrez gain, Kataluniako erakundeak "errekuperatu" beharrean, "suntsitu" egin nahi dituela ohartarazi du.
Kataluniako Parlamentuko inbestidura eztabaidaren bigarren egunean emandako hitzaldian, Generalitateko presidente izango denaren idatzi berriak kritikatu ditu, "xenofobia, nortasun baztertzailea eta populismoa" defendatzen dituen ideologia garbi uzten" dutelako.
"Zuk ordezkatzen duzuna iragana da, anakronikoa XXI. mendeko Europan", esan dio Arrimadasek Torrari. Hala, "nazionalismo baztertzaile" horren aurkako borroka "beharrezkoa" dela berretsi du, eta ez "aukera" bat.
Bestalde, 155. artikuluaren neurriak indargabetzean, Torrak ez dituela Kataluniako erakundeak "berreskuratu" nahi argudiatu du, "suntsitu" baizik. Izan ere, 'errepublikaren kontseilua', eta 'hautetsien batzarra' eratuko dituela iragartzeaz gain, presidente legitimoa Carles Puigdemont dela esatea leporatu dio. Puigdemontek "justiziatik ihes" egin zuela esan du Arrimadasek, "Estatu kolpea" eman ostean.
ERCk Torraren inbestidura txalotu du
Sergi Sabrià ERCko buruzagiak, berriz, Kataluniako Parlamentuak Quim Torraren inbestidura onartzea txalotu du, "ezinbestekoa" baita Gobernua osatzea: "Oso urrats garrantzitsua emango dugu gaur".
Generalitatea errekuperatuko dela azpimarratu du bigarren inbestidura saioan, "Kataluniako herritarren esku uzteko".
Gobernu berri batek "herrialdea berriz martxan jartzeko" balioko duela nabarmendu du, eta Exekutiboak gizarte gaiekin kezkatuago egon beharko duela, independentismoaren aldeko babesa biltzeaz gain.
Sergi Sabrià, ERC. Argazkia: EFE
Legea errespetatzea eskatu dio Icetak Torrari, haustura ekidin eta elkarrizketa abiatzeko
Egungo legedia errespetatzea eskatu dio Miquel Iceta PSC-Units taldeko buruzagiak Quim Torra hautagaiari. Halaber, "haustura" saihesteaz gain, Estatuarekin hitz egiten has dadila esan dio; finantziazioaren hobekuntzaz eta Generalitatearen 45 eskakizunen zerrendaz, besteak beste.
Generalitateko presidentea izendatzeko inbestidura saioaren bigarren osoko bilkuran, Icetak garbi utzi du PSCk "presidentearen legitimitatea errespetatuko duela, gaur egungo legediaren baitan jardunez gero".
Miquel Iceta, PSC. Argazkia: EFE
Domènech: "Kataluniak behar dituen itun zabalen aurkakoa da Torra"
Xavier Domènech Catalunya en Comú-Podem taldeko presidenteak Quim Torra kritikatu du gaur. "Katalanismo kontserbadorearen baitan" kokatu du ez ezik, Kataluniak orain behar dituen "itun zabalen aurkakoa dela" azpimarratu du.
Torraren hautaketak "zeharkako independentismoa" ziurtatzen duen "hitzaldia" ezgaitzen duela adierazi du Domènechek.
Xavier Domènech, en Comú-Podem. Argazkia: EFE
"Errepresioaren aurkako salbuespen" gisa babestu du CUPek Torraren inbestidura
Carles Riera CUPeko diputatuak baieztatutakoaren arabera, abstenitu egingo dira bozketan Quim Torra JxCateko hautagaiaren inbestidurak aurrera egin dezan. Dena den, "errepresioa saihesteko salbuespen" gisa egingo duela ohartarazi du. Izan ere, oposizioan lanean jarraituko duenez, gaurko erabakiak ez du esan nahi etorkizunean CUPek Kataluniako Gobernua babestuko duenik.
Carles Rierak Leonard Cohenen esaldi bat aipatu du CUPen jarrera laburbiltzeko: "Batzuetan norberak badaki zein aldetan egon behar duen, bestean zein dagoen ikusita".
Carles Riera, CUP. Argazkia: EFE
Rajoyk ez duela "Espainia nola zatitzen den" negoziatuko dio erantzun dio Albiolek Torrari
Xavier García Albiol PPCk Kataluniako Parlamentuan duen liderrak Torrari abisatu dionez, Mariano Rajoyk ez du "Espainia nola zatitzen den" negoziatuko, Torrak gaurko hitzaldian elkarrizketarako egindako deiari erreferentzia eginez.
Xavier García Albiol, PPC. Argazkia: EFE
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.