Erabakitzeko eskubidearen aldeko giza armarria osatu dute Iruñean
Gure Esku Dagok deituta, mila bat herritar bildu dira gaur eguerdian Iruñeko Gaztelu plazan Nafarroako etorkizunaz erabakitzeko nafarrek duten eskubidea aldarrikatzeko. Hala, Nafarroako armarria osatu dute giza mosaiko batean.
'Etorkizuna nafarron esku' lelopean, jai giroan ospatu dute ekitaldia. Gazte batek eman ditu armarria osatzeko jarraibideak Gaztelu plazako kioskotik. Aldez aurretik lurrean ipinitako marken gainean jarri dira parte hartzaileak, eta ondoren, banatu dizkieten puxika gorriak astindu dituzte.
Elastiko eta zapi gorriak jantzita, Nafarroaren "burujabetza" aldarrikatu dute amaierako adierazpenean, plazan egindako armarriak ordezkatzen duen printzipioa, alegia.
"Nafarroako armarria iraganetik badator ere, gu etorkizunari begira gaude, etorkizuna irabazi nahi dugu, guretzat eta gure seme-alabentzat. Hormak eta harresiak ez ditugu maite, elkarrekin bizi eta etorkizuna hautatu nahi dugu", esan dute Aitor Urrutia eta Miriam Mendikute bozeramaileek. "Beraz, erabakitzeko eskubideari heldu diogu, erabakitzeko eskubidea bultzatzea, burujabetza, elkarbizitza, demokrazia eta berdintasuna bultzatzea delako".
Orain arte Euskal Herrian 203 galdeketa egin dituztela azpimarratu dute: "Nafarroan, ia 10.000 pertsonak bozkatu dute, 47 herritan". Horrenbestez, "erabakiaren bidean, etorkizuna nafarron esku jartzeko bidean, pauso garrantzitsuak ematen ari gara", ondorioztatu dute.
Adierazpenaren amaieran aldarrikatu dutenez, "erabakitzea maite dugu, denaz erabakitzea, herritar burujabe gisa. Eta ziur gaude: gure etorkizuna erabakitzera goaz! Bada garaia. Gure etorkizuna erabakitzea da gaur egungo erronka kolektibo ederrenetakoa. Mugi gaitezen, ilusioz eta irudimenez. Har dezagun bidea, Gure Esku Dago eta!".
Giza kate erraldoia ekainaren 10ean
Hurrengo ekimena ekainaren 10ean izango da, giza kate erraldoia antolatu baitu Gure Esku Dagok. 201,9 kilometroko ibilbidean, Donostia, Bilbo eta Gasteiz batuko ditu kateak. Antolakuntzaren esanetan, 100.000 bat pertsona beharko dituzte helburua betetzeko.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.