Puigdemont matxinadagatik estraditatzea baztertu du berriro Alemaniako Justiziak
Alemaniako Schleswig-Holstein herriko Lurralde Auzitegiak Carles Puigdemont matxinada delituagatik Espainiara estraditatzea baztertu du berriro.
Gaur jakinarazi duen erabakia Fiskaltzak maiatzaren 9an egindako eskaerari emandako erantzuna da. Zehazki, apirilaren 5ean esandakoa berretsi du, hots, matxinadagatik egindako estradizio eskaera onartzea ezinezkoa dela. Espainiako justiziak bidalitako informazio gehigarria aztertu ostean hartu du erabakia.
Apirilaren 5ean 75.000 euroko bermea ordainduta Puigdemont aske uztea erabaki eta matxinada delitua baztertu zuen. Nolanahi ere, estradizio prozesuak aurrera jarraitzen du; izan ere, Puigdemonti diru publikoa bidegabe erabili izana egotzi diezaiokete. Espainiako Justiziak Puigdemont matxinada delituagatik eta dirua bidegabe erabiltzeagatik estraditatzea eskatu zuen. Alemaniako Fiskaltzak, bere aldetik, Espainiako justiziaren informazio osagarria baliatuta, Puigdemont atxilotzeko eskaera berri bat egin zuen maiatzaren 9an.
Idatzi horretan Puigdemont atxilotzeko eskatzen zuen Alemaniako Fiskaltzak, ihes egiteko arriskua zegoela iritzita. Auzitegiak, ordea, Puigdemont atxilotzeko eskaria eta matxinadagatik estraditatzeko eskaera baztertu ditu.
Schleswig-Holstein herriko Lurralde Auzitegiaren erabakia ezagutu den egun berean jakin da Alemaniako Fiskaltza Puigdemonten estradizioari buruzko eskari berri bat prestatzen ari dela. Eskari hori aste honen amaieran aurkeztuko dute, azkarrenera jota.
Alemaniako Fiskaltzak Puigdemont matxinada delituagatik estraditatzea eskatuko du berriro
Carles Puigdemont matxinadagatik eta ordena publikoa urratzeagatik estraditatzea eskatuko dio berriro Alemaniako Fiskaltzak Schleswig-Holsteingo Lurralde Auzitegiari, Espainiako Justiziak aurkeztutako dokumentu berriak aztertu ostean.
Fiskaltzako iturriek gaur jakinarazi dutenez, Schleswig-Holsteingo auzitegiaren gaurko erabakia kontuan hartuko dute eskaera berria egiterakoan. Wiebke Hoffelner fiskalak EFE albiste agentziari kontatu dionez, Fiskaltza ez da "hitzez hitz" aurreko eskaera kopiatzen ari.
Jaume Alonso-Cuevillas Carles Puigdemonten abokatua itxaropentsu agertu da, eta Schleswig-Holsteingo Auzitegiak, Belgikako Justiziaren bideari jarraiki, estradizio eskaera baztertzea espero du.
"Lasai! Fiskaltzak Estatuaren posizioa bere gain hartzea ohikoa da. Fiskaltzak eskatu egiten du eta Auzitegiak erabaki. Orain kontraesan-prozedura abiatuko dugu, Belgikan bezala. Eta emaitza antzekoa izatea espero dugu", adierazi du Twitterren duen kontuan argitaratutako mezuan.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.