Pedro Sanchezek Espainiako Gobernuko presidente kargua hitzeman du
Pedro Sanchez PSOEko buruzagiak Espainiako Gobernuako presidente kargua hitzeman du gaur goizean, Zarzuela Jauregian, Felipe VI. erregearen aurrean. Espainiako Konstituzioarekin hitzeman du kargua, baina demokrazian lehen aldiz, Biblia eta gurutzerik gabe.
2014ko uztailean Felipe VI. errege izendatu eta gero, goi karguei zin egin edo hitzemateko ekitaldietan bibliarekin eta gurutzearekin edo horiek gabe egiteko aukera ematea erabaki zuen Erret Etxeak. Pedro Sanchez demokraziako zazpigarren gobernuburua izango da ofizialki, Mariano Rajoyren aurkako zentsua-mozioak aurrera egin ostean.
Mariano Rajoyk hartu du parte ekitaldian, baita Espainiako estatuko agintari nagusiek ere: Ana Pastor Kongresuko presidentea, Pio Garcia-Escudero Senatuko presidentea, Juan Jose Gonzalez Rivas Auzitegi Konstituzionaleko presidentea, eta Carlos Lesmes, Auzitegi Goreneko eta Botere Judizialaren Kontseilu Nagusiko burua, besteak beste.
Erreinuko notario nagusi gisa, Rafael Catala Justizia ministroa izan da, ekitaldiari fede emateko.
Hasieran, erregeak PSOEko liderraren izendapenarekin sinatutako dekretua irakurri diute, Konstituzioko 62 eta 99 artikuluen arabera.
Sanchezen hitza
"Agintzen dut, nire kontzientziaz eta ohorez, Gobernuko presidente karguaren eginbeharrak leial beteko ditudala, erregeari leial izanez. Horrez gain, Estatuko arau nagusi gisa, Konstituzioa zaindu eta zainduaraziko dut, Ministroen Kontseiluko erabakiak sekretupean mantentzeaz gain", irakurri du Sanchezek eskuin eskua 1978ko Konstituzioaren ale batean gainean jarrita, 62. artikuluan zabalik zegoela.
Ekitaldiaren amaieran, erregeak Sanchez agurtu du, zoriondu eta hedabideek argazkiak ateratzeko. Jarraian, Rajoy eta gainerako agintariak haiekin jarri dira. PSOEko buruzagiak Rajoyri eskua eman dio, eta "zorte ona" opa diola esan.
Pedro Sanchezek eskua eman dio Mariano Rajoyri. EFE
Sanchez Moncloara iritsi da lehen aldiz, Gobernuko presidente gisa
Pedro Sanchez Espainiako Gobernuko presidentea Moncloa jauregira iritsi da lehen aldiz, kargua hitzeman ostean. Zarzuelatik abiatuta, Gobernuko Presindentetzako egoitzako ate nagusitik sartu da autoa, 11:30 baino apur bat lehenago, bi eskolta-kotxe atzean zituela.
Exekutiboko iturrien arabera, Juanma Serrano kabinete-buruarekin joan da Moncloara Sanchez. Han, Maria Rosario Pablos Gobernuko Presidentetzako idazkari nagusiak hartu ditu.
Moncloan egindako lehen bisitan gidatu ditu Sanchez eta Serrano. Besteak beste, presidentearen bulego ofiziala erakutsi die.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.