'Orain presoak' dinamika aurkeztu dute, presoen egoerari irtenbidea emateko
Gizarte zibileko hainbat ordezkarik Orain Presoak dinamika bultzatu dute, presoen gatazka konpontzeko asmoz. Bestalde, manifestazioa deitu dute urriaren 20rako Bilbon.
Sarek abiatutako Orain Presoak ekimen hori Bizkaiko hiriburuan aurkeztu dute gaur goizean. Guztira 46 pertsonak sinatu dute adierazpena eta 20 bat izan dira ekitaldian.
Besteak beste, unibertsitate arloko hainbat ordezkarik sinatu dute ekimena: Arantza Aldeazabalek, Felix Arrietak, Angel Eliasek, Ramon Zallok eta Mario Zubiagak. Horrez gain, Felix Cañada abokatuak, Joseba Azkarraga Justizia sailburu ohiak eta Maite Asensio, Martxelo Otamendi zein Xabier Euzkitze kazetariek eman diote babesa.
Honako pertsona hauek osatzen dute zerrenda: Dani Arranz Ortuellako PSE-EEko zinegotzi ohia eta Bizkaiko gobernadore zibil ohia, Jose Luis Uriz PSNko zinegotzi eta parlamentari ohia, Patxi Zabaleta Aralar alderdiko koordinatzaile ohia, Anaiz Funosas Bake Bideako bozeramailea, Paul Rios Lokarriko zuzendari ohia, Kirmen Uribe idazlea, Jose Mari Gorordo Bilboko alkate ohia, Laura Gomez Gipuzkoako Foru Aldunduko Berdintasun zuzendari ohia, Karmele Ibarra Pentsionistak plataformako bozeramailea, Eñaut Elorrieta Ken Zazpiko abeslaria eta Sara Majarenas preso ohia.
Arantza Aldeazabal EHUko Botanika irakasleak aurkeztu du dinamika berria Sare plataformaren izenean. "Sufrimendu ziklo bat" itxi eta "etorkizunera begiratu" behar dela nabarmendu du, "adiskidetzea, bizikidetza eta bakea" ardatz izanik.
"Pertsona guztientzako giza eskubide ororekiko errespetuak bateratzen gaitu, eta hori oinarritzat duen etorkizuna eraikitzen hasteko giltza gizarte zibila da", adierazi du Aldeazabalek. Espainiako Gobernuaren aldaketari dagokionez, agintzen duenak agintzen duela ere, giza eskubideak beti errespetatu behar direla azpimarratu du.
Adierazpena
Ondoren irakurritako adierazpenaren arabera, "konponbiderako, bizikidetzarako eta bakerako unea" da. Izan ere, ETAren amaieraren ostean, "hainbeste sufrimendu eragin duten ziklo luzea bukatzeko aukera iritsi dela" uste dute. Azkenik, ekimenaren antolatzaileen aburuz, "elkarrekin lan eginda lortu behar da, elkarri begietara begira, elkarri entzunez, ditugun akordioei lehentasuna emanez, eta aurrerako bidea batera eginez".
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.