Kronologia: ETAren indarkeriaren amaieratik erakundearen desegitera

2011ko urriaren 20tik prozesu honetan izandako gertaera garrantzitsuenen kronologia:

2011

- Urriak 17: Aieteko Bake Konferentzia: ETAri bukatzeko eta gobernuei elkarrizketa bultzatzeko eskatu diete nazioarteko adituek.

- Urriak 20: ETAk "jarduera armatuaren amaiera" iragarri du.

- Azaroak 20: Hauteskunde orokorrak. PPren gehiengo osoa. Amaiur, euskal alderdien artean eserleku gehien lortu dituen indarra, eta bigarrena botoetan, EAJren atzetik.

- Abenduak 17: ETAren indarkeriak eta estrategia errepresiboak eta Espainiako eta Frantziako Estatuen "gerra zikinak" utzi zituen biktimei nahigabea erakutsi die ezker abertzaleak.

2012

- Martxoak 9: "Euskal gatazkaren ondorioen inguruan elkarrizketa" hasteko eskatu dio ETAk Frantziako Gobernuari komunikatu batean. Jarduera armatuaren amaieratik ETAk bidali zuen lehen komunikatua da.

- Apirilak 26: Espainiako Gobernuak ETAko presoei zuzendutako programa bat jarri du martxan.

- Ekainak 2: Indarkeriak "eragiten zuen min guztiaz" kontziente direla esan dute ETAko presoek.

- Ekainak 20: Sortu alderdi politiko izatea baimendu du Konstituzio Auzitegiak.

- Irailak 16: Arnaldo Otegik ETAren biktimei "barkamen zintzoena" eskatu die.

- Azaroak 24: ETAk presoen, desegitearen eta Euskal Herriaren "desmilitarizazioaren" inguruko negoziazioa eskatu du.

2013

- Martxoak 14: Politikariek, herritarrek eta nazioarteko adituek hartu dute parte Bake Prozesua bultzatzeko Foro Sozialean.

- Irailak 27: Gara egunkariari bidalitako komunikatu batean, ETAk baieztatu du "erabakitzeko eskubidea gauzatzeko prozesu demokratikoa abiatzeko tenorea dela".

- Irailak 30: Herrira-ren kontrako polizia operazioa: hamazortzi atxilotu.

- Urriak 21: Giza Eskubideen Europako Auzitegiak "Parot doktrina" baliogabetu du.

- Abenduak 28: ETAko presoek egindako mina aitortu eta legedia onartu dute.

2014

- Otsailak 21: ETAk armak erabili ezinik uzteko prozesua hasi du, desarmearen bidean.

- Uztailak 20: ETAk birmoldatzeari ekin dio, "konfrontazio demokratikorako".

2015

- Maiatzak 7: ETA, armagabetze prozesua Jaurlaritzarekin partekatzeko prest.

- Irailak 22: David Pla eta Iratxe Sorzabal ETAren ustezko buruzagiak atxilotu dituzte Frantzian.

- Irailak 30: Atxiloketa horien aurrean, jardun armatua uzteko konpromisoak indarrean jarraitzen duela berretsi du ETAk.

2016

- Urtarrilak 13: Eraberritutako Batasunako goi-kargudunek ETArekin izandako harremana aitortu zuten Auzitegi Nagusian, eta bi urterainoko kartzela-zigorra adostu zuten Fiskaltzarekin.

- Martxoak 1: Arnaldo Otegi ezker abertzaleko buruzagia kartzelatik atera da.

- Apirilak 14: Arma guztiak zenbatzeko eta zigilatzeko prozesuarekin jarraitzen duela esan du ETAk.

- Uztailak 5: PSE-EEk, Podemos-Ahal Duguk, EAJk eta EH Bilduk euskal presoak Euskal Herrira hurbiltzeko eskaera egin zuten. Alderdi Popularra kontra agertu zen.

- Irailak 25: EAEko hauteskundeak: EH Bilduk 18 eserleku lortu ditu, 2012an baino hiru ordezkari gutxiago.

- Urriak 2: Legegintzaldi honetan ETAren behin betiko armagabetzea aurrera eraman behar dela azpimarratu zuen Arnaldo Otegik.

- Azaroak 5: Mikel Irastorza atxilotu zuten Frantzian, ETAren ustezko buruzagia.

- Urriak 12: ETAri egotzitako armategi bat aurkitu dute Frantzian.

- Abenduak 16: Luhusoko operazioa: ETA armagabetzeko prozesuan parte hartzeko prest dauden bost ekintzaile atxilotu dituzte Luhuson.

- Abenduak 27: EPPK-k aukera juridiko guztiak erabiltzea proposatu die presoei.

2017

- Martxoak 10: ETAko presoak "kartzelak husteko ibilbide orria" ezartzea eskatu dute, Foro Sozial Iraunkorraren ekitaldi batean.

- Martxoak 17: ETAren behin-behineko armagabetzea iragarri dute, apirilaren 8rako.

- Apirilak 7: Dagoeneko 'erakunde armagabea' dela iragarri du ETAk.

- Apirilak 8: ETAren armak Frantziako agintarien kontrolpean daudela baieztatu dute nazioarteko egiaztatzaileek.

2018

- Urtarrilak 13: Frantziako kartzeletan dauden ETAko presoak Euskal Herrira gerturatuko dituzte, Txetx Etcheverry bake artisauak aurreratu duenez.

- Apirilak 20: ETAk eragindako 'samin handia' sentitzen duela aitortu du agiri batean

- Apirilak 22: ETAk maiatzeko lehen asteburuan iragarriko du behin betiko desegitea, ETBk jakin duenez.

- Apirilak 23: ETAren amaiera ekitaldia maiatzaren 4an izango da Kanboko Arnaga etxean, Bake Bideko, Foro Sozialeko eta Nazioarteko Harreman Taldeko ordezkariek esan dutenez.

- Maiatzak 2: ETAk gutunak igorri dizkie erakundeei eta eragile politikoei, "egitura guztiak erabat desegin" dituela jakinarazteko.

- Maiatzak 3: ETAk baieztatu du desegin dela, eta bere ibilbidea bukatutzat eman duela.

- Maiatzak 4: Arnagako Adierazpenak ETAren amaiera aldarrikatu eta adiskidetzeko deia egin du.