EPPK-k aukera juridiko guztiak erabiltzea proposatu die presoei
EPPK Euskal Preso Politikoen Kolektiboak barne eztabaida abiatu du, arestian iragarri zuen bezala, eta, prozesu “publiko eta garden” horretarako zuzendaritzak prestatu duen txostenean, preso bakoitzak eskura dituen aukera juridiko guztiak erabiltzeko proposamena egin du, “norbera izango dela aukera horiei (errendentzioak, kartzela destinoak, graduen aldaketa, baimenak, Euskal Herrira hurbiltzea, baldintzapeko askatasuna, etab) heltzea edo ez erabakiko duena, taldearen babesa eta laguntza dituela”.
“Damua eta salaketa” izango dira jardunbide berri hori aurrera eramateko orduan preso bakoitzak, Kolektiboak hala ezarrita, izango dituen mugak.
“Gara” eta “Berria” egunkariek gaurko zenbakietan dakarte "Euskal Preso Politikoen Kolektiboaren Eztabaidarako Oinarrizko Txostena”.
Presoen auzia konpontzeko, Espainiako eta Frantziako estatuekin ez dela aldebiko negoziaziorik izango onartzen du EPPKren zuzendaritzak idatzian, eta ezinbesteko jotzen du babes soziala, urratsak gizartearekin batera egitea eta kolektiboaren beraren batasuna, proposatutako bidean sakontzeko.
Txostenak aurkezten duen barne eztabaidaren idatzian, kolektiboak bat egiten du “ezker abertzaleak bere osotasunean ontzan eman duen ildoarekin” eta “garai politiko berriaren bultzadan subjektu aktibo” izateko borondatea erakusten du.
Gainera, ETAk jarduera armatua utzi zuenean Euskal Preso Politikoen kolektiboa “garaile argia” izan zela dio idatziak, “osorik eta burua tente" iritsi baitziren… Nolanahi den, “garaile bai… baina kartzelan” bizi izan dute une hori, testuak aitortzen duenez.
“Azkenaldian beren burua EPPKtik kanpo kokatu dutenentzat ere zabalik egongo den” barne eztabaidaren azken helburuak "sakabanaketa amaitzea eta Kolektiboa batzea; Kolektiboa euskalherriratzea eta presoak kaleratuz espetxeak hustea" izango dira.
Zure interesekoa izan daiteke
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.