Armak eta biltegiak 'kontrol gabe' gera litezkeela ohartarazi du ETAk
ETA "nazioarteko eragileei" zuzendu zaie, eta Iratxe Sorzabalen, David Plaren eta Ramuntxo Sagarzazuren atxiloketen ostean ere "konpromiso guztiei" eusten diela nabarmendu die.
Gainera, konpromiso horiek betetzeko "gaitasuna" baduela gaineratu du, Gara egunkarira eta naiz.info webgunera igorritako agiri batean.
Nolanahi ere, tankera horretako polizia operazioek "armak suntsitzeko eta biltegiak desegiteko eredu ordenatua kolokan" jartzen dutela ohartarazi du.
Era berean, atxiloketen helburua "konponbide prozesuak behar dituen oinarriei" kalte egitea dela kritikatu du.
Bestalde, "oso deigarria" iruditzen zaio "Frantziako Gobernuaren jokabidea, Madrilgo jarrera arduragabearen alde erabat lerrokatuta". Izan ere, "sinesgaitza da armak eta armategiak kontrolik gabe geratzeko arriskua dakarren jokabidearekin horrela bat egin izana".
Agiria irailaren 27an (Gudari Eguna) dago sinatuta, hau da, Frantziako Poliziak atxiloketak egin eta bost egunera.
Barne Ministerioa
Agiriaren berri izan ostean, Jorge Fernandez Diaz Barne Ministroak azpimarratu du Guardia Zibilak eta Poliziak ETAren kontra borrokan jarraituko dutela, erakunde armatua "desagertu" arte.
Barne ministroaren iritzian, ETAk ez du desegiteko asmorik, aurretik negoziaziorik ez badago behintzat, "eta Espainiako Gobernuak ez du inoiz negoziatuko".
"GRAPO inoiz ez zen desegin eta gaur iraganeko oroitzapen odoltsua baino ez da; ETAk GRAPO bezala amaitu nahi badu, niri bost axola zait", adierazi du.
Zure interesekoa izan daiteke
Sanchezen esanetan, ezin da zigorgabetasunik egon ustelentzat, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan bere Gobernuko eta alderdiko zenbait kideri eragiten dieten praktika ustelen berri, eta ezagutzekotan, ez lituzkeela onartuko.
Moncloak azpimarratu du pertsona batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.
Erkidegoak Migrazio Itunaren aplikazioan sartzeko eskatu diote Europari Pradalesek eta Clavijok
Ursula Von Der Leyeni zuzendutako gutun batean, lehendakaria eta Kanarietako presidentea kexu dira ekainaren 12tik indarrean dagoen itun horren inguruan "ez dagoelako elkarrizketarik, ez koordinaziorik ezta plangintzarik ere Espainiako Gobernuarekin".
Feijook baztertu egin du Sanchezen aurka zentsura-mozioa aurkeztea, baina Gobernuko kideak estutu ditu
PPko buruak baieztatu du babes nahikorik gabe ez duela zentsura-moziorik aurkeztuko. Hala ere, Sanchezek hauteskundeek deitu ditzala exijitu diezaioten eskatu die Exekutiboaren kideei.