PPk uztailaren 20an eta 21ean egingo du biltzar berezia
Alderdi Popularrak uztailaren 20an eta 21ean egingo du zuzendaritza berria eta Mariano Rajoyren ordezkoa aukeratzeko biltzar berezia, alderdiko buruak berak jakinarazi duenez.
PPren Zuzendaritza Nazionalaren Batzordearen bilera amaitu ostean emandako hitzaldian egin du iragarpena Rajoyk. "Alderdi Popularrak ezin du ziurtasuna eta segurtasuna eskaintzeko gehiago atzeratu", eta "espainiarrek ezin dute gure zain egon", azaldu du.
Rajoyren arabera, "gauzak garaian eta epe barruan egingo ditugu, ordenaz, baina segundo bat ere galdu gabe, espainiarrek ezin dutelako gure zain egon".
PPn behin-behinekotasuna ahalik eta gehien mugatu behar dela azpimarratu du, alderdiari nor bere kontuetan ez nahasteko eskatzeaz gain.
Alderdia irailean prest egotea da helburua, horren esanetan.
PP gidatzeko hautagaitzak ekainaren 20ra arte aurkeztu ahal izango dira
Alderdi Popularra gidatzeko hautagaiek ekainaren 20ra arte izango dute proposamenak aurkezteko epea. Ondoren, militanteek uztailaren 5era arte bozkatu ahal izango dute.
Ezarritako egutegiaren arabera, Rajoy ordezkatzeko asmoa dutenek gaurtik aurrera jakinarazteko aukera dute, baina hautagaitza formalizatzeko epea ekainaren 18an hasi eta ekainaren 20an amaituko da, PPko iturriek jakinarazi dutenez.
Ekainaren 22an, hautagaiak nor diren zabalduko dute, beharrezkoak diren baldintzak betetzen dituztela baieztatuta: gutxienez 100 berme izatea, besteak beste.
Hautagai bat baino gehiago egotekotan, barne hauteskunde kanpaina ekainaren 23tik uztailaren 4ra egingo dute.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Aliantzarekin lortutako akordioaren ostean egindako adierazpen instituzionalean, Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".