Estatutu berriko botere banaketaren eta ogasunaren atalak adostu dituzte
Eusko Legebiltzarreko Autogobernua eguneratzeko Lantaldeak Estatutu berriaren beste bi atal adostu ditu gaur goizean, EAJren eta EH Bilduren babesarekin: batetik, botere banaketari dagokion atala, eta, bestetik, ogasunari buruzkoa.
Aurreko hitzorduetan bezala, Legebiltzarrean gehiengoa duten bi talde abertzaleek bat egin dute, Estatutu berriaren erredakzioan aurrera eginez. Orain, gaur adostutako bi atal horiek idaztea aditu talde baten esku utziko dute.
Besteak beste, Estatutu berriak botere banaketa klasikoarekin batera (legegilea, exekutiboa eta judiziala), herritarren parte-hartzea bermatu nahi du, erabakietan herritarrek zeresana izan dezaten.
Arlo judizialean, berriz, Estatutu berriak botere judizialaren Euskal Kontseilu Nagusia eratzea proposatzen du, Euskal Autonomia Erkidegoko epaile eta fiskalen antolaketa eta gobernu organoa izango litzakeena.
Euskadiko Auzitegi Nagusiak helegite guztiak bere bere gain hartzea ere proposatzen du testu berriak. Espainiako Auzitegi Gorenaren esku soilik geratuko litzateke doktrina bateratzea Estatuko legediarekin.
Era berean, epaileen formakuntza eta hutaketarako eskola judiziala sortzea eta Ertzaintza izatea polizia judiziala adostu dituzte.
EH Bilduk boto partikularra eman du, botere judiziala "guztiz berezkoa" nahi duelako. Maialen Iriarte EH Bilduko bozeramailek esan duenez, "auzi judizial guzti guztiaren garapena hemen hasi eta hemen amaitzea nahi dugu".
Ogasuna
Ekonomia, ogasun eta finantza arloan, berriz, Euskadik politika ekonomiko eta fiskal propioa izatea adostu dute. Horren arabera, Kontzertu Ekonomikoa izango da zerga guztiak arautzeko oinarria.
Euskadik garatutako lan harreman eta gizarte segurantza sistemen gaineko ardura esklusiboa izatea ere hitzartu dute bi talde abertzaleek, Estatuarekin ezarritako konpromisoak beteta.
Azkenik, Euskadik Ecofin erakundean eta Europako lantaldeetan parte hartzea ere jasotzen du testu berriak.
Datorren astean bi bilera egongo dira eta helburua da beste bi atal ixtea: Elkarrekin Podemosek aurkeztuko duen eskubide eta betebeharren atala, eta Europarekiko harremanei dagokiona.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.