Barkos, Nafarroako hauteskundeetan hautagaitza errepikatzeko prest
Uxue Barkos, Nafarroako Gobernuaren presidentea, prest azaldu da, "indar eta pasioarekin", hauteskundeetan bere hautagaitza errepikatzeko eta Parlamentuan adostasunak bilatzeko. Barkosentzat, laukoan aurkitutako "egonkortasuna" Nafarroa hobetzeko gakoa izan da.
Gobernua babestu duen laukoaren inguruko hitzarmena PSNri zabaltzeari buruz galdetuta, Barkosek onartu du lortutako "egonkortasuna kaudimenez lan egiteko guztiz beharrezkoa" izan dela, eta bere "desira" berrestea dela, lehenik lau indar horiekin, baina sozialistekin batera osatutako "gehiengo progresista" bat ere ona litzatekeela ukatu gabe.
Presidenteak gobernuko lanaren balantze ona egin du. "Kritika politikoari erantzuten dioten" datu ekonomikoek babesten dute gobernuaren lana. Presidenteak ez du "argi-ilun" batzuk daudenik baztertzen, eta "lanpostu gehiago eta kalitatezkoak" sortzea jarri du erronkatzat.
"Pozik egoteko arrazoiak daude nafar guztientzat, datuek hitz egiten duelako", esan du presidenteak. Barkosek legealdiko lehen hiru urteetako balantzea egin du, abertzaleak ez diren boto-emaileen ustezko atsekabea txikiagotuz.
"Ekonomian eta gizartean Nafarroa indartsuago bat eraikitzen ari gara gaur", esan du. "Elkarrekin bizitzea, eraikitzea eta aurrera egitea” izan dira lan honen ardatzak, esan duenez, eta Parlamentuan aurkitutako gehiengoaren "egonkortasuna" goraipatu du.
Gobernu berriarekin "apokalipsi ekonomiko bat etorriko zela iragartzen zutenei" erantzun argia eman die; izan ere, gobernu berriak orain kritikatzen dutenen "gelditasuna" gainditu du.
Bere Gobernua Nafarroako kontuak "onbideratzeko" lan egin duela esan du Barkosek, orain dela hiru urte baino 10.856 langabetu gutxiago dagoela azpimarratuz. Azpiegituretan, inbertsioa 2015ean 660.000 eurokoa izatetik 2018an 11 milioitik gorakoa izatera pasa dela esan du.
Gainera, Nafarroak Estatuari ematen duena eguneratzeko egindako lana azpimarratu du, bien arteko "hitzarmenaren irakurketa berritzaile" batean eta "zorra negoziatzeko lan zorrotza". Horrek aurrekontuetan urtero 400 milioi euro gehiago sendotzea ahalbidetu du.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.