Villarejok egin zion presio Corinnari, CNIko zuzendariak iradoki duenez
Felix Sanz Roldan Espainiako CNI Inteligentzia zentroko zuzendariak ukatu egin du Corinna zu Sayn-Wittgenstein Juan Carlos I.aren lagunari mehatxu egin izana (horrela dio emakumeak). Sanzen hitzetan, ez zuen presionatu errege emerituaren ustezko irregulartasunak ez aireratzeko; eta presioak ahotan, norbaitek egitekotan, Jose Manuel Villarejo komisario ohiak egin zituela iradoki du.
Sanzek agerraldia egin du, ateak itxita, Kongresuko sekretu ofizialen batzordean. Hiru orduko azalpenen ondotik, talde parlamentarioetako ordezkariek ez dute xehetasunik eman (agerraldien edukiak sekretuak dira), baina agentziek zenbait datu eman dituzte.
CNIren zuzendariak berak eskatu zuen agerraldia, bi egunkari digitalek Villarejok Sayn-Wittgenstein printzesari grabatutako adierazpenen ondotik. Bertan entzun daitekeenez, errege emerituak Suitzan dirutza ezkutatzen du eta bera izen-mailegatze moduan erabili zuen.
Agentzien arabera, Sanzek esan du CNIk ez duela Juan Carlos I.aren ondarea edota jarduera ekonomikoak ikertu, Espainiako Gobernuak hala eskatu ez diolako.
Taldeen erreakzioak
Sanzek honako diputatuen aurrean eman ditu azalpenak: Rafael Hernando (PP), Adriana Lastra (PSOE), Ione Belarra (Unidos Podemos), Juan Carlos Girauta (Ciudadanos), Joan Tarda (ERC), Aitor Esteban (EAJ) eta Jordi Xucla (PDeCAT), Talde Mistoaren izenean azken hori.
Ione Belarra Unidos Podemosen bozeramaile ondokoak agerraldiaren ondoren adierazi duenez, Juan Carlos I.aren ustezko negozio ustelen eta horietan Corinna zu Sayn-Wittgestein bikotekideak izan zuen paperaren inguruko "zalantza gehiago" ditu orain.
Beste muturrean, Adriana Lastra PSOEren bozeramaileak nabarmendu du ez duela dudarik CNIko zuzendariak esandakoez, eta horixe bera erantzun du berriro hainbat taldek eskatutako ikerketa batzordea babestuko ote duten galdetu diotenean.
Ildo beretik mintzatu da Rafael Hernando ere (PP). Hernandoren esanetan, CNIko zuzendaria beti da "sinesgarria".
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.