Polizia gehiegikerien euskal legearen aurkako helegitea kendu du PSOEren Gobernuak
Espainiako Gobernuko Ministroen kontseiluak ostiral honetan adostutakoaren arabera, polizia gehiegikerien biktimen aurkako euskal legearen aurkako helegitea kenduko du. Mariano Rajoyren Exekutiboak ipini zuen bere garaian Auzitegi Konstituzionalean, Iñigo Urkulluren Kabinetearekin konstituzionaltasuna zalantzan zuten hainbat arauren moldaketa adostu ostean.
Espainiako eta Euskadiko administrazioek zenbait berrikuntza hitzartu zituzten joan den astean, lankidetzarako aldebiko batzorde teknikoan. Arauak polizia gehiegikerien biktimak erreparatzeko helburua izatea nahi dute.
Batzorde horrek Justizia epaitegiak ordezkatzeko xedea zuela salatu zuen helegitean Rajoyren Exekutiboak. Orain, akordio horren bidez, hori saihestu nahi izan dute. Hala, Konstituzionalak polizia gehiegikerien Nafarroako legearen oinarrizko artikuluak baliogabetu ditu, Botere Judizialaren eskumen esklusiboak hartzen dituela ulertuta.
Josu Erkoreka Gobernantza Publiko eta Autogobernurako sailburuaren esanetan, bi legeen artean "desberdintasun handiak" daude. Joan den astelehen arratsaldean Espainiako Gobernuarekin akordioa sinatu zuen, eta Meritxell Batet Lurralde Politika eta Funtzio Publikorako ministroari igorri zioten. Hurrengo egunean onetsi zuen Batetek.
Hitzarmenaren arabera, ostiraleko Ministroen Kontseiluan onartu behar zuten helegitea kentzea, epaitegietako prozesua amaitzeko. Hori dela eta, gaur bertan, legearen aurkako inkonstituzionaltasun helegitea bertan behera uztea eskatu dio organo horrek Pedro Sanchez Exekutiboko presidenteari.
Orain, Urkulluren Exekutiboak arauaren erreforma bultzatu beharko du Eusko Legebiltzarrean, talde parlamentarioek bozka dezaten.
Kritikak
PP eta Ciudadanos alderdiek Auzitegi Konstituzionaleko helegitea mantentzeko eskaria egin zuten. Popularren iritziz, nazionalistek "legea saihestu eta botere judizialari zegozkion zereginak" bere gain hartu nahi zituzten.
Biktima guztiak onartzea ospatu du Urkulluk
Iñigo Urkullu lehendakaria pozik agertu da gaur, Espainiako eta Euskadiko Gobernuen akordioari esker, PPko Exekutiboak poliziaren gehiegikerien legearen aurka aurkeztutako helegitea kendu dutelako. Izan ere, "lehen aldiz posible izango da biktima guztiak modu berean onartzea legearen aurrean".
Sare sozialen bidez, "berri ona dela adierazi du, biktima guztiak onartzea eta erreparatzea posible" izango delako.
Josu Erkoreka Gobernantza Publiko eta Autogobernurako sailburuak, bere aldetik, polizia gehiegikerien biktimen legearen konstituzionaltasuna defendatu du. Eusko Jaurlaritzak moldatu egin du, Auzitegi Konstituzionaletik "libratzeko", eta Espainiako Gobernuak helegitea kendu egingo duela iragarri du, inpugnatutako arauak aldatu ostean.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.