Preso guztiak kaleratzeko ibilbide-orri bateratua aldarrikatu du Kalera Kalerak
Kalera Kalera euskal presoen aldeko ekimenak manifestazio jendetsua egin du ostiral honetan Bilbon, eta preso guztiak kaleratzeko ibilbide-orri bateratua aldarrikatu du.
12:00etan hasi dute mobilizazioa, Bilboko Plaza Eliptikoan. Ibilbideari ekin aurretik, gogoan izan dituzte 1994an tiroz hil zituzten Roberto Facal eta Fernando Morroni gazte uruguaitarrak, euskal preso iheslarien asilo politiko eskubidea defendatzen ari zirela.
Bi gazteak lore-eskaintza batekin omendu dituzte, eta Uruguay bezalako beste “herrialde askoren” eskutik jasotako babesa eskertu dute.
Ekitaldia amaitutakoan, "Bada garaia, presoak kalera!" lelopean udaletxeraino joan dira. Besteak beste, Arantza Zulueta eta Arantza Garbayo preso ohiak pankartaren atzean elkartu dira, eta ibilbidean zehar presoak kaleratzearen eta amnistiaren aldeko oihuak entzun dira. Era berean, “preso politiko guztiak etxeratzeko deia” egin dute.
Manifestazioaren bukaerako ekitaldian Garbayok hartu du hitza eta Kalera Kalera ekimenaren adierazpena irakurri du. Hala, Euskal Herritik urrun dauden presoak bisitatzeko asmoz kilometro ugari egiten dituzten senide eta lagunei keinu bat egin die. “Gaur espetxeetarako bidea hartuko duzuen senide eta lagunok: eraman hemen bildutako harrotasuna lokutorio eta visetara. Kontuz bidean”, esan du.
“Preso, iheslari eta deportatu politikorik gabeko Euskal Herria erdietsiko duen ibilbide-orria zehaztu dezagun", aldarrikatu du Garbayok.
“Oso garrantzitsua da herri mobilizazioa bizirik jarraitzea. Kalera!", esan du ekitaldiaren bukaeran adierazpena irakurri duen preso ohiak, eta "herri honek preso guztien kaleratzea aurreikusten duen ibilbide-orri bateratua" merezi duela gaineratu du.
Zure interesekoa izan daiteke
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.