Urkullu: 'Europako araudia tarteko, Jaurlaritzak ezin du Naval erreskatatu'
Iñigo Urkullu lehendakariak berretsi duenez, Sestaoko Naval ontziola "krisian" dagoen enpresa bat da, eta, hortaz, Eusko Jaurlaritzak ezin du "diru publikoarekin lagundu, Europako arautegiak espresuki debekatzen baitu". Are gehiago, gogorarazi du ontziola pribatizatzeko jarri ziren baldintzek "are zailago" egiten dutela egoera. Dena dela, enpresaren akziodunen artean sartzea posible ikusten du, betiere Naval hartzekodunen konkurtsotik ateratzen bada.
Adierazpenok Eusko Legebiltzarrean egin ditu lehendakariak, ostiral honetako kontrol saioan. Iker Casanova EH Bilduko legebiltzarkideak galdera egin dio Urkulluri, Navalen egoera larria ikusita Jaurlaritzak zer egingo duen jakiteko.
Casanovaren esanetan, Jaurlaritza egiten ari dena "ez da nahikoa", eta "ontziola zabalik mantentzeko edota balizko erosle bati laguntzeko inbertsio publikoak" eskatu dizkio, Naval ez baita "edozein enpresa".
Urkulluk aitortu du ontziola "aparteko" enpresa dela, baina kasu honetan Jaurlaritzak "beste enpresekin bezalatsu" jokatu behar duela azpimarratu du.
Lehendakariak ohartarazi duenez, "Eusko Jaurlaritzak edo Europako edozein erakunde publikok ezin du zailtasunak dituen enpresa baten jabetzaren zati bat erosi", eta gogorarazi du iaz Europar Batasunaren ohartarazpena jaso zutela estatu-laguntzak legez kanpokoak zirela azpimarratuz. "Casanova jauna! Ez saiatu inor engainatzen, are gutxiago Navaleko langileak", esan dio EH Bilduko legebiltzarkideari.
Horren ildoan, auzi honetan Gobernuak egin dezakeena eta egin ezin duena azaltzeko txostena prestatzen ari direla argitu du. "Esaten ari garena egia dela frogatuko dugu", erantsi du.
Akziodun bihurtzeko aukera
Dena dela, Urkulluk aipatu du badagoela aukera Jaurlaritza ontziolaren akziodun bilakatzeko, baina horretarako "hartzekodunen konkurtsotik atera" beharko da.
"Kontu handiz ibili behar gara gai honetan, Europak ez dezan estatu-laguntza gisa hartu. Izan ere, iaz aipamen bat egin nuen elkarrizketa batean, eta Europak espediente informatiboa zabaldu eta azalpenak eskatu zizkigun", oroitarazi du.
Lehendakariaren iritzian, Jaurlaritza "lanean ari da", eta lehentasuna Van Oord armadoreak Alexia ontzia Sestaon egitea eta inbertitzaile berriak topatzea dela azpimarratu du.
Langileen elkarretaratzea
Naval ontziolako langileen ordezkariak Eusko Legebiltzarrean izan dira gaur, bilkura jarraitzeko. Kanpoaldean, kontzentrazioa egin dute "Naval ez itxi" lelopean, eta gobernu biei "negoziazioa" eskatu diete Ezkerraldeko enpleguari eusteko.
Albiste gehiago politika
Abalosek eta Koldok Gorenean deklaratuko dute gaur, ustez obra publikoetan eskupekoak kobratzeagatik
Auzitegi Goreneko epaileak Jose Luis Abalos ministro ohia eta Koldo Garcia aholkulari ohia galdekatu ditu Garraio ministro izan zen garaian obra publikoaren ustezko esleipen irregularren auzian. Ikerketak funtzionario-eroskeria, antolakuntza kriminala eta influentzia-trafikoa delituak izan daitezkeela dio, eta kautelazko neurri berriak ekar litzakeela.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.