PPrekin eta VOXekin 'proiektu espainola berreraikitzea' eskatu du Riverak Altsasun
Guardia Zibilari babesa eta elkartasuna adierazteko ekitaldia egin du Ciudadanosek sustatutako España Ciudadana plataformak igande honetan Altsasun (Nafarroa), bi guardia zibilek eta euren bikotekideek udalerri hartan jasandako "erasoa" izan zenetik bi urte betetzen direnean.
Albert Rivera Ciudadanoseko buruzagiak hitza hartu du, eta PPrekin eta VOXekin "proiektu espainola eta XXI. mendeko konstituzionalismoa berreraikitzea" aldarrikatu du Altsasuko Foru Plazan egindako ekitaldian. Txistu eta elizako kanpai-hotsen artean mintzatu dira hizlariak, Altsasuko hainbat auzokidek ekitaldi horri euren gaitzespena adierazi diotelako. Ondorioz, hitzaldiak entzuteko zailtasun handiak izan dira.
"Espainiako herri honetara etorri gara gaur, baimenik eskatu gabe, oztopoak gorabehera", azpimarratu du. "Erradikalengatik ez gara kikilduko", iragarri du. Kanpai-hotsak eskertu ditu modu ironikoan, eta "erasotzaileen aurpegiak" zeramatzaten horma-margo batzuk kritikatu ditu.
"Aste gogorra izan da", kartzelatutako Kataluniako buruzagi ohiei matxinada delitua ez egoztea Fiskaltzak erabaki ostean. Riveraren hitzetan, hori "Estatuaren aurka doa, eta horrekin amaitu nahi dutenen alde".
"Justizia bilatzeko guztiok lan egitearen alde" egin du Ciudadanoseko buruak, terrorismoaren biktimek hala beti nahi izan dutelako, horren iritzian, eta ohartarazi du "indultuak immoralak" direla, "justizia urratzen baitute". Horren harira, "indultuak errefusatzeko eta justiziaren aldeko" manifestazioa deitu du Riverak datorren azaroaren 25erako Madrilen. Epaileek, fiskalek, poliziek, zinegotziek eta senideek "sakrifizio gehiegi" egin behar izan dituzte, "Estatu-kolpea ematen saiatu direnei orain inpunitatea oparitzeko".
Bestalde, kazetariei egindako adierazpenetan Ignacio Cosido Senatuan PPren bozeramaileak azpimarratu duenez, Altsasura joan dira "Konstituzioa, Espainia eta Nafarroa espainola defendatzen dugunok batuta egotea ona delako". "Protesta egiten dutenak betikoak dira, Espainiako, askatasunaren eta Konstituzioaren etsaiak", gaineratu du. Ildo beretik jo du Ana Beltran Nafarroako PPko presidenteak. Nafarroako Gobernua kritikatu du, esanez "erasotzaileen alde" dagoela, hortaz, "alderdi konstituzionalisten batasunaren alde" egin du.
Foruzaingoak eta Guardia Zibilak segurtasun operatibo handia zabaldu dute Altsasuko kaleetan, istiluak saihesteko xedez. Izan ere, España Ciudadana plataformaren ekitaldia gaitzesteko ekimena egin dute Iortia Plazan, Herritarren Batzarrak deituta. Altsasuko auzokideen esanetan, Ciudadanosen ekitaldia "probokazioa da".
Tentsioz beteriko uneak bizi dira, 11:00ak pasata, kanpotik etorritako pertsonak Ciudadanoseko ekitaldira iristen hasi direnean. Bandera espainolekin heldu dira, Espainiaren eta Guardia Zibilaren aldeko oihuen artean.
"Espainolen askatasuna eta berdintasuna defendatzen jarraituko dugu", adierazi du Ciudadanosek. Gainera, Espainiako Konstituzioaren laugarren xedapen iraunkorra baliogabetzeko eskatu du, "Nafarroan ezegonkortasuna baino ez dakarrelako".
Zure interesekoa izan daiteke
Irango gerraren ondorioak arintzeko dekretua aurrera aterako da Kongresuan, PPk egingo duenaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenentzako neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.