Espetxe transferentzia negoziatzen ari direla dio Espainiako Gobernuak
Espetxeen eskumena oraindik transferitu gabe dagoela gogora ekarri dio behin baino gehiagotan Eusko Jaurlaritzak Espainiako Gobernuari, baina Fernando Grande-Marlaska Barne ministroak gai hori “orain ez dagoela agendan” esan zuen ostegunean. Dena dela, Barne ministroak egindako adierazpen horiek zuzendu ditu ostiral honetan Isabel Celaa Espainiako Gobernuko bozeramaileak. Bere esanetan, kartzelen eskuduntza Sanchezen gobernuaren agendan egon badago, eta horren inguruan negoziatzen jarraitzen dute. Halaber, Meritxell Batet Lurralde Politikorako ministroak bilera guztiak “normaltasunez” egin dituela gaineratu du.
Ministro Kontseiluaren bileraren ostean egindako agerraldian, espetxeen eskumenaren inguruan bi aldeek akordioa itxi duten ez dakiela ziurtatu du Celaak. “Ez dakit akordiorik lortu duten, bi aldeak normaltasunez biltzen dira”, esan du bozeramaileak. “Hainbat gairen inguruan hitz egin dute. Eskumen horren gainean ere lanean ari dira”, azpimarratu du Celaak.
“Eskumen batzuk epe jakin batean transferitzeko egutegi bat du Jaurlaritzak, baina elkarrekin adostu behar ditugu datak. Transferentzien inguruan hitz egiterakoan adostasuna lortu behar da. Ez dakit akordiorik lortu duten”, esan du Celaak.
Fernando Grande-Marlaska ministroak Erkidegoan dauden kartzelen antolamenduaren inguruko eskumena Euskadik bereganatzeko aukeraz hitz egin zuen atzo. “Zentzuzko” adostasun bat dagoen eskuduntzen transferentziak lantzearen alde agertu zen, “frustrazioak” saihesteko. Dena dela, espetxeen transferentzia gauzatzea “gaur egun” Espainiako Gobernuaren “agendan ez” dagoela ziurtatu zuen ministroak.
Iñigo Urkullu lehendakariak goizean erantzun dio. Bere esanetan, ministroaren adierazpen horiek ez datoz bat berak Pedro Sanchez Espainiako presidentearekin hitz egindakoarekin, ezta EAJk eta PSE-EEk lortutako gobernu akordioarekin ere.
AP-1 autobidearen Armiñon eta Burgos arteko zatia eta Alonsotegi-Barakaldo eta Bilbo-Basauri trenbide lineak transferitzeko aurreakordioa lortu berri dute Jaurlaritzak eta Espainiako Gobernuak. Ituna astelehenean egingo dute ofizial, Kontzertu Ekonomikoaren Batzorde Mistoak Bilbon egingo duen bileran.
Horri buruz "lehen pauso positiboa" dela esan du Urkulluk. Izan ere, zazpi urte dira Batzorde hori biltzen ez dela. "Espainiako Gobernuak beste jarrera bat erakutsi du transferentzien inguruan, eta akordio eta negoziazio hori eskertu behar zaio", azaldu du lehendakariak.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.