Grande-Marlaska, espetxe eskumenaren inguruan: 'Orain ez dago agendan'
Nahiz eta Gernikako Autonomia Estatutuak espetxeen kudeaketa Euskadiri transferitu behar zaiola aurreikusi, “orain agendan ez” dagoela adierazi du gaur Fernando Grande-Marlaska Barne ministroak. “Zentzuzko” adostasun bat dagoen eskuduntzen transferentziak lantzearen alde agertu da, “frustrazioak” saihesteko.
Terrorismoaren Biktimen Memoria Zentroari buruz hitzarmena sinatu du ministroak Gasteizko Udalarekin. Ondoren agerraldia egin du Grande-Marlaskak. Erkidegoan dauden kartzelen antolamenduaren inguruko eskumena Euskadik bereganatzeko aukeraz mintzatu da.
Euskadik “adingabeen babeserako aterpe, espetxe eta birgizarteratze zentroen antolakuntza, erregimena eta funtzionamenduaren” inguruko “eskumen esklusiboa” duela azaltzen du Gernikako Estatutuaren 10. artikuluak.
Hala ere, transferentzia hori gauzatzea “egun” Gobernu zentralaren “agendan ez” dagoela ziurtatu du ministroak.
Espainiako Gobernuak Euskadiri dagokion eskumena transferitzeko asmorik zergatik ez duen azaltzen saiatu da ministroa. Grande-Marlaskaren ahotan, “gai-zerrendan mahai gainean jarri behar ditugun gauza asko daude”, eta batzuk beste batzuk “baino konplexuagoak” dira.
“Arrazoizko epe eta zentzuzko adostasun batekin egin daitekeenari heldu behar diogu”, esan du ministroak, “frustraziora eraman ditzaketen jarrerak” saihesteko.
Zure interesekoa izan daiteke
"Ezin da gehiago luzatu" lelopean II. Etxera Kantuz topaketa herrikoia egin du Durangon Sarek
Sarek bigarren Etxera Kantuz Topaketa herrikoia egin du Durangon. “Ezin da gehiago luzatu” dinamikaren baitan egindako ekimena da, ETAko presoei salbuespenik gabeko espetxe politika arrunta aplikatu dezaieten eskatu dute. Aldarrikapenari bide emateko urtarrilaren 10ean Bilbon egingo duten manifestaziora ere deitu dute.
Ernaik aste honetan kendu dituen "ikur espainolistak" erakutsi ditu Durangon
Horrela, Durangoko (Bizkaia) Santa Ana plazan aste honetan kendu edo eraitsi diren ikurrak ezarri ditu: Tuterako (Nafarroa) Osborne zezenaren adarrak, Igeldoko (Gipuzkoa) militar karlista baten omenezko gurutzea, Gasteizko alkate frankistaren izena duen kaleko plaka eta Euskal Herriko hainbat eraikin publikotako Espainiako banderak.
Guardiako alkatearen ustezko delituak ikertzeko eskatu dio EH Bilduk Fiskaltzari
Koalizio abertzaleko zinegotziek azaldu dutenez, legegintzaldi honetan alkatearen eta haren gobernu taldearen zenbait jardunbide "legezkotasunetik kanpo daude eta delituzkoak izan daitezke". "Bereziki larritzat" jo dituen bi jokabidetan jarri du arreta EH Bilduk.
"PPren aurkako ekintzen aurrean" jeltzaleek eta sozialistek duten jarrera kritikatu du De Andresek
Javier De Andres Euskadiko PPren presidenteak esan du erakunde bat "zuzenean PPren aurka" egiten ari dela, eta horrek izen-abizenak dituela: "EH Bildu eta Ernai". Testuinguru horretan, jeltzaleen eta sozialisten jarrera kritikatu du.
Aizpuruak (EH Bildu) ausardia eskatu du nazio aniztasunean aurrera egiteko, eta PPrekin zein Voxekin aritzea horrekin "bateraezina" dela esan du
Mertxe Aizpurua EH Bilduk Kongresuan duen bozeramaileak esan du nazio aniztasuna aitortu eta demokrazia eraberritzeko bidean aurrera egiteak "ausardia eta konbikzioa" eskatzen dituela. Halaber, ohartarazi du bide hori bateraezina dela "PPrekin eta Voxekin batera aritzearekin, ez ekintzaz, ez omisioz, ez Madrilen, ez Euskal Herrian".
Vaquero: "Sanchezi eskatzen diogu bere borondate guztia jartzeko transferentziak burutzeko"
Maribel Vaquero EAJk Diputatuen Kongresuan duen bozeramaileak Estatutua betetzeari buruz hitz egin du Espainiako Konstituzioaren urteurrenean.
Gernikako Juntetxean Espainiako bandera ostu eta pintaketa bat egin dute
"Gurea ikurriña" zioen pintaketa batekin esnatu da eraikina gaur goizean, eta atean dauden Espainiako eta Europako banderarik gabe. Ernaik, bere aldetik, "ikur espainolisten" aurkako kanpaina amaitu dela iragarri du, eta Durango utzi ditu lapurtutako objektuak.
Salazar salatu zuten emakumeak “behar bezala babestu” ez izana onartu du PSOEk
Paco Salazar Moncloako aholkulari ohiarekin lan egiten zuten alderdiko bi militantek jazarpena jasan zutela salatu zuten. Sozialisten esanetan, protokoloak aktibatu zituzten.
PSE-EEk "normaltasunez" ikusten du EAEko Justizia Auzitegiak hizkuntza eskakizunen inguruan egindako kontsulta
Pau Blasi PSE-EEko legebiltzarkideak adierazi duenez, bere alderdiak "normaltasunez" ikusten du Euskal Autonomia Erkidegoko Auzitegi Nagusiak Euskadiko sektore publikoan hizkuntza eskakizunak arautzen dituen legeari buruz Auzitegi Konstituzionalari egingo dion kontsulta. "Ez da gertatzen den lehen aldia, eta Konstituzionalak esaten duenaren zain gaude", esan du Blasik Legebiltzarreko korridoreetan kazetarien galderei erantzunez.
Ernaik Euskal Herrian zutik geratzen zen azken Osborne zezena bota du "sinbolo espainolista izateagatik"
Sabotaje hori azken egunotan egin dituzten ekintzen barruan kokatzen du, hala nola, PPren Bilboko egoitzari pinturaz egindako erasoa eta Gizarte Segurantzaren Gasteizko Diruzaintzaren egoitzatik Espainiako bandera bat kentzea. Sare sozialetako mezuan jarri dutenez, "sinbolo espainolistek ez dute tokirik Euskal Herrian".