Transferentzien Batzorde Mistoa Bilbon bilduko da azaroaren 26n
Bi transferentziaren eskualdatzea ofizial egiteko asmoarekin, bilera egingo du Transferentzien Batzorde Mistoak azaroaren 26an. Zazpi urte igaro dira azkenekoz batu zirenetik, eta Euskadin elkartzen diren lehenengo aldia izango da astelehenekoa.
Eusko Jaurlaritzako iturriek jakinarazi dutenez, hitzordu horretan landuko dituzten gaiak zehazten dabiltza Josu Erkoreka Gobernantza Publiko eta Autogobernu sailburua eta Meritxell Batet Lurralde Politika eta Funtzio Publikorako ministroa. Litekeena da batzarra Bilbon egitea.
Atzo bertan, Espainiako Gobernuak eta Jaurlaritzak AP-1 autobidearen Armiñon eta Burgos arteko zatia eta Alonsotegi-Barakaldo eta Bilbao-Basauri trenbide lineak EAEren esku uzteko "aurreakordioa" hitzartu zuten.
Horri esker, transferentzien aferarekin lotutako negoziazioa desblokeatu dute, eta orain Batzorde Mistoari dagokio bi eskumenen transferentzia gauzatzea.
Jaurlaritzak, bere aldetik, nabarmendu du 2011az geroztik ez dutela bilerarik egin. Halaber, gogora ekarri du estreinakoz elkartuko direla Euskadin.
Hitzordu horretara, gobernu bakoitzeko zortzi ordezkari joango dira, eta Erkoreka eta Batet arduratuko dira a batzarra zuzentzeaz.
Aurreikusitakoaren arabera, hurrengo egunean zehaztuko dituzte bileraren nondik norakoak; besteak beste, dekretuen edukiak eta bileran egongo diren ordezkarien izenak.
Zure interesekoa izan daiteke
Pedrosa: "Ikastetxeen integrazioak eskatzen du familiekin lanketa; hausnarketa egin behar da hau zergatik egiten ari garen, datuekin"
Begoña Pedrosa Hezkuntza sailburuak Egun Onen adierazi du Araban bost integrazio egin dituztela, "hamar ikastetxe egon dira inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.